18.05.2026 | 23:42
«Անկախ դիտորդ»-ը պահանջում է ազատ արձակել Արթուր Օսիպյանին և պարզաբանում տալ նրա ձերբակալության հիմքերի վերաբերյալ
Ռուստամ Բադասյանն աշխատանքային այցով եղել է հարկային ծառայության կառուցվածքային ստորաբաժանումներում
09.03.2022 | 18:17
Պետական եկամուտների կոմիտեի նախագահ Ռուստամ Բադասյանն աշխատանքային այցով եղել է հարկային ծառայության կառուցվածքային ստորաբաժանումներում․ տեղեկացնում են ՀՀ ՊԵԿ-ից։
Ռուստամ Բադասյանը շրջայց է կատարել հարկային վարչարարության կազմակերպման, դիտարկման և հսկողության, հարկային տեղեկատվության և ռիսկերի վերլուծության վարչություններում, ինչպես նաև հարկ վճարողների ընթացիկ հսկողության հարկային տեսչություն-վարչությունում: Կոմիտեի ղեկավարին ներկայացրել են ստորաբաժանումների գործառույթների պատշաճ իրականացման գործընթացը:
Կոմիտեի ղեկավարը հարկ վճարողների սպասարկման բաժնում հետևել է աշխատանքներին, հետաքրքրվել տնտեսվարողներին մատուցվող ծառայություններով և դրանց կազմակերպման ընթացքով: Ռուստամ Բադասյանն ընդգծել է, որ հարկ վճարողների սպասարկման որակի շարունակական բարձրացումը, ինչպես նաև վերլուծական կարողությունների ընդլայնումն առանձնահատուկ կարևորություն ունի:
