24.11.2024 | 17:00
Ֆրանսիայի Բրոն համայնքում Մեղրի քաղաքի պուրակ է բացվել
Բացօթյա տարածքներում ծխելու սահմանափակման հարցում խնդիր կա. Արամ Վարդևանյան․ ՏԵՍԱՆՅՈՒԹ
Տնտեսություն
09.03.2022 | 16:06
Ազգային ժողովը քննարկում է «Ծխախոտային արտադրատեսակների և դրանց փոխարինիչների օգտագործման հետևանքով առողջությանը հասցվող վնասի նվազեցման և կանխարգելման մասին» օրենքում լրացում կատարելու մասին նախագիծը։
«Մեզանից յուրաքանչյուրը դեմ է ծխելուն, անհրաժեշտ է հակածխախոտային քաղաքականություն, բայց ինչպես ցանկացած միջոցառում, այն իր մեջ պետք է պարունակի որոշակի համաչափություն և ողջամտություն»,- քննարկման ժամանակ ասաց «Հայաստան» խմբակցության պատգամավոր Արամ Վարդևանյանը։
Նա նշեց, որ այս նախագծին «Հայաստան» խմբակցությունը ձեռնպահ է քվեարկելու, բայց մյուս կողմից առաջինից երկրորդ ընթերցման շրջանակներում մշտական հանձնաժողովում քննարկումների ժամանակ, կարծում է, լավ հնարավորություն կարող է լինել բարձրացնելու որոշակի հարցադրումներ։
«Այն տրամաբանությունը, թե մի քանի տարի առաջ այս հարցը մանրամասն քննարկվել է, կարծքիների բախում է եղել և այլն, կյանքը ցույց է տալիս, որ որևէ ստատիկ երևույթ գոյություն չունի, երկու տարի առաջ եղած ճշմարտությունները կարող են 2022 թվականին այլ տեսանկյունից դիտարկել»,- ասաց ընդդիմադիր պատգամավորը։
Վարդևանյանն ընդգծեց,որ բացօթյա տարածքներում ծխախոտային արտադրատեակների և դրանց փոխարինիչների սահմանափակումը ողջամտության և համաչափության տեսանկյունից խնդիր ունի, նաև միջազգային փորձի տեսանկյունից։
Նշենք, որ նախագծի հիմնական զեկուցող, առողջապահության նախարարի առաջին տեղակալ Լենա Նանուշյանը հայտարարեց, որ բոլոր այն արտադրատեսակները, որոնք կընկնեն օրենքով սահմանված ծխախոտային արտադրատեակների և դրանց փոխարինիչների սահմանումների տակ՝ մարտի 15-ից հանրային սննդի վայրերում դրան օգտագործումը կարգելվի։
Մանրամասները՝ տեսանյութում:
