25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
Ժողովուրդը չի կարողանում դուրս գալ քաղաքից․ մանրամասներ Մարիուպոլի հայ համայնքի վիճակից. ՏԵՍԱՆՅՈՒԹ
Քաղաքականություն
03.03.2022 | 18:12
Մարիուպոլ քաղաքում թեժ մարտեր են ընթանում, քաղաքը զրկված է էլեկտրականությունից, ջրից, միայն գազ կա։ Այս մասին Factor TV-ի հետ զրույցում պատմեց Ուկրաինայի Դոնեցկի մարզի հայերի միության ղեկավար Վահագն Մաթևոսյանը։ Ըստ նրա՝ Մարիուպոլում հացի, ջրի խնդիր կա, մարդիկ չեն կարողանում դուրս գալ քաղաքից։
Հարցին՝ արդյոք գնացքներո՞վ էլ հնարավոր չէ տեղափոխվել, Մաթևոսյանը պատասխանեց․ «Ես տեղեկություն ունեմ, որ վերջին անգամ, երբ փորձել են գնացքով տեղափոխել մարդկանց, արկ է ընկել երկաթգծի վրա ու գնացք չի գնում Մարիուպոլից»։
Հայերի միության ղեկավարի խոսքով՝ իրավիճակն ամեն օր էլ ավելի է վատանում, հայ ընտանիքիների մի մասն էլ վախենում է դուրս գալ քաղաքից։
«Այսօր էլ փորձել ենք մի խումբ հայերի տարհանել, սակայն չի ստացվում, որովհետև քաղաքն անընդհատ ռմբակոծման տակ է, սպասում ենք հարմար պահի»,- տեղեկացրեց Վահագն Մաթևոսյանը։
Մանրամասները՝ տեսանյութում։
Արփի Հակոբյան
