09.06.2026 | 13:35
Միշել Տեր-Զաքարյանը դարձյալ կգլխավորի «Նանտը»
Փաշինյանի խորհրդականը նշանակվեց Սյունիքի մարզպետ. ՏԵՍԱՆՅՈՒԹ
Քաղաքականություն
03.03.2022 | 12:23
Կառավարության որոշմամբ՝ Մելիքսեթ Պողոսյանն ազատվեց Հայաստանի Հանրապետության Սյունիքի մարզպետի պաշտոնից: Այդ հարցը ներառված է եղել ՀՀ կառավարության մարտի 3-ի նիստի օրակարգում՝ չզեկուցվող հարցերի շարքում:
Կառավարության մեկ այլ որոշմամբ՝ Սյունիքի մարզպետ նշանակվեց Ռոբերտ Ղուկասյանը:
«Ցանկանում եմ պարոն Մելիքսեթ Պողոսյանին շնորհակալություն հայտնել այս ընթացքում մարզպետի պաշտոնում կատարած կարևոր աշխատանքի համար, և համոզված եմ, որ մենք պարոն Պողոսյանի ներուժը կներգրավենք մեր երկրի առաջ ծառացած օրակարգային հարցերի լուծման գործում: Գիտեք, որ պարոն Ղուկասյանն այս ընթացքում Սյունիքի հարցերով աշխատանքային խմբի ղեկավարն է եղել և մենք այսպիսի առաջարկ ունենք, որ նրան լիազորենք այդ աշխատանքները շարունակել Սյունիքի մարզպետի կարգավիճակում»,- ասաց ՀՀ վարչապետ Նիկոլ Փաշինյանը:
«Նախ՝ ուզում եմ շնորհակալություն հայտնել Սյունիքի հարցերով միջգերատեսչական աշխատանքային խմբի ղեկավարումն ինձ վստահելու համար: Արդեն մեկ տարուց ավելի է, ինչ աշխատանքային խումբը գործում և աշխատում է Սյունիքի մարզում, և բազմաթիվ խնդիրներ են այնտեղ այս պահի դրությամբ լուծված: Դեռ շատ անելիքներ ունենք: Շնորհակալություն եմ հայտնում Սյունիքի մարզպետի պաշտոնն ինձ վստահելու համար: Վստահեցնում եմ ձեզ, որ կանեմ առավելագույնը, որպեսզի արդարացնեմ Սյունիքի ազգաբնակչության, ինչպես նաև Ձեր սպասելիքները»,- ասաց Ռոբերտ Ղուկասյանը:
Հիշեցնենք՝ Ռոբերտ Ղուկասյանը, որը 2019 թվականից զբաղեցնում էր վարչապետի խորհրդականի պաշտոնը:
Մանրամասները՝ տեսանյութում:
