25.11.2024 | 23:30
Էրդողանը ծրագրում է հաջորդ ժամկետով գրավել իշխանությունը․ TIME-ի անդրադարձը
ՌԴ-ի դեմ պատժամիջոցները չեն կարող ազդեցություն չունենալ Հայաստանի վրա. Տիգրան Խաչատրյան․ ՏԵՍԱՆՅՈւԹ
Քաղաքականություն
02.03.2022 | 19:33
ՌԴ-ի դեմ պատժամիջոցները չեն կարող ազդեցություն չունենալ Հայաստանի վրա: Այս մասին այսօր խորհրդարանում լրագրողների հետ զրույցում նշեց ՀՀ ֆինանսների նախարար Տիգրան Խաչատրյանը:
«Մենք հետևում ենք զարգացումներին, բնականաբար, չի կարող ազդեցություն չունենալ, վաղ է գնահատական տալը, ընթացքից պարզաբանումներ կլինեն։ Ես կարող եմ պատասխանել այն հարցերին, որոնք վերաբերում են Ֆինանսների նախարարության իրավասությանը»,- նշեց Տիգրան Խաչատրյանը։
Հարցին, թե Հայաստանի համար կարո՞ղ է ստեղծվել ճգնաժամ, Տիգրան Խաչատրյանը պատասխանեց, որ ամեն օր հետևում են իրավիճակին. «Դուք տեսնում եք, որ յուրաքանչյուր օր իրավիճակ է փոխվում, մենք պետական բյուջեի թե՛ եկամտային, թե՛ ծախսային կողմին հետևելով՝ հայտարարելու ենք անելիքների մասին։
Պետական բյուջեի մասին օրենքն է նախատեսում այն ապահովության բարձիկը, որը կառավարությունը պետք է օգտագործի համապատասխան իրավիճակներում։ Նախ, դա պահուստային ֆոնդն է, որը կառավարությունը 2022 թվականի պետական բյուջեի նախագծում նախատեսել է և օգտագործում է այնպիսի հարցերի կարգավորման համար, որոնք առաջանում են չկանխատեսված հանգամանքներում։
Մենք ընթացքից կներկայացնենք բոլոր այն անելիքները, որոնք Ֆինանսների նախարարության իրավասության սահմաններում պետք է քննարկվեն և ապահովեն համապատասխան որոշումներով»,- նշեց Խաչատրյանը։
Մանրամասները՝ տեսանյութում:
