06.10.2026 | 16:40
Ֆրանսիայում թանգարանից գողացել են 150 կիլոգրամանոց «Ապոկալիպսիսի գրքի» բրոնզե կազմը, որը ստեղծել է Սալվադոր Դալին
«Ադրբեջանը միջազգային դատարաններում փորձում է դատական պրոցեսներ հրահրել ՀՀ-ի դեմ․ հապաղել չի կարելի»․ ՏԵՍԱՆՅՈՒԹ
Հասարակություն
02.03.2022 | 15:09
Ադրբեջանը փորձելու է միջազգային դատական ատյանները հեղեղել ՀՀ-ի դեմ բազմաթիվ գործերով և կարճաժամկետ հատվածում այս քանակական հակակշռով կարողանալու է ձեռք բերել որոշակի նարատիվային հաղթանակներ։ Այս մասին նշեց միջազգային իրավունքի մասնագետ Լևոն Գևորգյանը «Հայատյացությունն Ադրբեջանում և էթնիկ զտման վտանգը Արցախում» խորագրով հանրային քննարկման ժամանակ։
«Սրա դեմ պետք է օգտագործել միջազգային այն բոլոր գործիքները, որը Հայաստանը կարող էր օգտագործել անմիջապես պատերազմից հետո, սակայն դեռևս չի օգտագործել։ Խոսքը, մասնավորապես, վարձկանների, խոշտանգումների, անմարդկային վերաբերմունքի մասին կոնվենցիաներին է վերաբերում։ Աս բոլոր փաստաթղթերը, ըստ էության, հնարավորություն են տալու ՀՀ-ին, եթե երբևիցե որոշում կայացնի գործադրել այդ գործիքները, կրկին բերել Ադրբեջանին ՄԱԿ-ի անվտանգության միջազգային դատարանի դարպասների մոտ»,- նշեց Գևորգյանը՝ ընդգծելով, որ այս հարցում մենք արդեն իսկ ուշացել ենք, և հիմա հապաղել չի կարելի։
Մանրամասները՝ տեսանյութում։
