06.10.2026 | 18:30
Ալեն Սիմոնյանն ընդունել է Հայաստանում դիվանագիտական առաքելությունն ավարտող Լյուքսեմբուրգի դեսպանին
Ադրբեջանը հայկական մշակութային ինքնությունը ձևախեղելու քաղաքականություն է որդեգրել․ Արաքս Մելքոնյան․ ՏԵՍԱՆՅՈՒԹ
Քաղաքականություն
02.03.2022 | 13:30
Ադրբեջանը հայկական մշակութային ինքնությունը ձևախեղելու քաղաքականություն է որդեգրել: «Հայատյացությունն Ադրբեջանում և էթնիկ զտումների վտանգ Արցախում» թեմայով քննարկման ժամանակ այս մասին նշեց «Իրավունքների պաշտպանություն առանց սահմանների» կազմակերպության ղեկավար Արաքս Մելքոնյանը:
Նրա դիտարկմամբ՝ ժխտելով հայկականությունն Արցախում, ոտնձգությունները հայկական մշակութային ժառանգության նկատմամբ, Ադրբեջանն իրականում հեռահար նպատակ ունի՝ հայկականության հետքը Արցախի տարածքից վերացնել, ժխտել այդ տարածքների նկատմամբ հայ ժողովրդի պատմական սեփականությունը:
Կազմակերպության ուսումնասիրությունները ցույց են տվել, որ 44-օրյա պատերազմի ընթացքում թիրախավորվել էին 30-ից ավելի հայկական մշակութային օջախներ, որոնցից ամենաակնառուն Շուշիի սբ. Ամենափրկիչ և սբ. Հովհաննես-Մկրտիչ եկեղեցիների թիրախավորումն էր, Մատաղիսի եկեղեցու գնդակոծումը, տարբեր հուշարձանների և արձանների պղծումը և այլն:
Մելքոնյանի խոսքով՝ Ադրբեջանը ձեռնամուխ է եղել հայկական մշակութային ժառանգության ձևախեղմանը՝ հայկական, հիմնականում հոգևոր ժառանգությունը, ուդիական և աղվանական անվանելով:
«Կարևոր է միջազգային գործընկերների հասանելիությունն այդ հուշարձաններին, արձանագրումը և պահպանումը, քանի դեռ դրանք վերջնականապես մենք չենք կորցրել, մանավանդ, որ դա միայն հայկական կորուստ չի լինելու, այլ միջազգային հանրության համար է կորուստ»,- ընդգծեց Մելքոնյանը:
Մանրամասները՝ տեսանյութում:
