Մարտեր են ընթանում եվրոպական տարածաշրջանի ամենամեծ ատոմակայանի շուրջ, եթե այստեղ ինչ-որ բան պատահի, արդեն ոչ մեկին սոլիդարություն պետք չի լինի․ գերմանացի վերլուծաբանը՝ Ուկրաինային Արևմուտքի օգնության մասին

Լուրեր

17.11.2026 | 19:01
Որտեղի՞ց էր այն փողը, որը տալիս էր․ Վահագն Ալեքսանյանը՝ Արսեն Գևորգյանի մասին. ՏԵՍԱՆՅՈՒԹ
17.11.2026 | 18:49
Թուրքիայի դատարանն ընդդիմադիր Sözcü TV-ն պետական ​​վերահսկողությանն է փոխանցել․ ոստիկանությունը ձերբակալել է ղեկավարներին
17.11.2026 | 18:28
Թրամփը հայտարարել է, որ Վաշինգտոնի վրա հարձակման դեպքում Իրանը շատ մեծ գին կվճարի
17.11.2026 | 18:22
Եթե ես վաղը բանտում մահանամ, ինձ հետ սենց չվարվեք հանկարծ․ Եղոյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 18:15
Խցանումներից խուսափելու համար քննարկվում են կենտ ու զույգ համարներով երթևեկության սահմանափակումներ և տուգանքների խստացում․ Ավինյան
17.11.2026 | 18:10
Շաքի մտած ադրբեջանցու գործողությունները՝ ըստ մեղադրանքի // Պապիկյանը Բրյուսել է մեկնել․ ԼՈՒՐԵՐ
17.11.2026 | 18:02
Բրազիլիայի հավաքականը խփեց 7 գոլ, Վինիսիուսի հեթ-տրիկը. ՏԵՍԱՆՅՈՒԹ
17.11.2026 | 17:54
Կատարը նախազգուշացրել է՝ Իրանի հարձակումը Բահրեյնում ԱՄՆ ռազմաբազայի վրա սպառնում է խաղաղ բանակցություններին
17.11.2026 | 17:45
Ընկերությունները կարող են քրեական պատասխանատվության ենթարկվել, նույնիսկ եթե հանցանք կատարած անձը հայտնի չէ․ ԱՆ-ի նոր առաջարկը
17.11.2026 | 17:37
ՔՊ-ից մի հոգի է ցավակցություն հայտնել․ Նարեկ Կարապետյանը՝ Արսեն Գևորգյանի մահվան մասին․ ՏԵՍԱՆՅՈՒԹ
17.11.2026 | 17:28
Հայաստանում կարող են վերանայվել բենզալցակայանների՝ բնակելի շենքերից հեռավորության և հողատարածքի նվազագույն մակերեսի պահանջները
17.11.2026 | 17:17
«Վերահաստատեցինք՝ համեղ ծիրանները հայկական են»․ դեպի ԵՄ երկրներ հայկական արտադրանքի արտահանումն աճում է․ Միրզոյանը հանդիպել է Մաթա Կոսի հետ
17.11.2026 | 17:07
Հայաստանի Մ-17 հավաքականը ոչ-ոքի խաղաց Լյուքսեմբուրգի հետ. ՏԵՍԱՆՅՈՒԹ
17.11.2026 | 17:00
Երևանի փողոցներում լքված գույքը կտեղափոխվի հատուկ տարածք․ սեփականատերերին 6 ամիս ժամանակ կտրվի՝ այն հետ պահանջելու համար
17.11.2026 | 16:52
Սկսվել է «Տիգրան ջան, սիրուն չի» օպերացիա. Գևորգ Ստեփանյան․ ՏԵՍԱՆՅՈՒԹ
Բոլորը

Եվրոպական միությունը դեռ ֆինանսավորում է պատերազմը, քանի որ շարունակում է Ռուսաստանից նավթ և գազ գնել։ Factor.am-ի հետ զույցում նման կարծիք է հայտնում Ստոկհոլմի Արևելյան Եվրոպայի ուսումնասիությունների կենտրոնի գերմանացի վերլուծաբան Անդրեաս Ումլանդը։

«Ուկրաինայի ուզածը հիմա Ռուսաստանի դեմ ավելի շատ պատժամիջոցներն են։ Կարծում եմ, որ այդ առումով լավ կլինի, որ փակվի «Հյուսիսային հոսք-1»-ը։ Այդ դեպքում հնարավոր կլինի Ռուսաստանից Եվրոպա գազ արտահանել այլ ճանապարհներով, օրինակ՝ Ուկրաինայով։ Եվրոպան կարող է ասել՝ «մենք կգնենք քո գազը, բայց դու այն պետք է Ուկրաինայով մեզ հասցնես»։ Դա կարող է օգտակար լինել, որ Ռուսաստանը ցանկանա բանակցել Ուկրաինայի հետ,- նշում է վերլուծաբանը և հավելում․ Ռուսաստանն այդ փողի կարիքն ունի․ նրանց ամբողջ տնտեսությունը հիմնված է էներգետիկ ոլորտի եկամուտների վրա։ Ռուսաստանն ավելի շատ կարիք ունի, որ իր գազն արտահանվի Եվրոպա, քան Եվրոպան՝ ռուսական գազ գնելու։ Իհարկե, այդ դեպքում Եվրոպան ավելի թանկ է վճարելու, բայց այնպես չէ, որ ընտրության հնարավորություն չի ունենալու»։

Անդրեաս Ումլանդը վստահ է, որ ուկրաինացիները ոչ մի դեպքում չեն համակերպվի ռուսական իշխանություն ունենալու հեռանկարի հետ․

«Պուտինը ցանկանում է Կիևում ունենալ ռուսամետ իշխանություն, դրա համար նրանք հարձակվել են Կիևի վրա։ Բայց եթե դուք ուկրաինացիներին ճանաչում եք, կհասկանաք, որ դա անհնար կլինի։ Ուկրաինացիներն անցյալում իրենց նախագահներին վռնդել են, և հիմա էլ ակնհայտ է ուկրաինացների տրամադրությունը․ անգամ եթե ռուսները գրավեն Կիևը, ինչ-որ մեկին դնեն այնտեղ, միևնույն է՝ ոչ ոք չի հետևի այդ կառավարության հրամաններին։ Ուկրաինացիները կկռվեն նրանց դեմ»։

Ըստ Ումլանդի՝ եթե Կրեմլի ցանկությունն է ամեն գնով Կիևում իշխանություն ունենալ, ապա դա պետք է լինի ահաբեկչական բնույթի, քանի որ այդ դեպքում կարիք են ունենալու իրենց հետ բերել նաև զորքեր, որ ապահովեն իրենց անվտանգությունը։

Գերմանացի վերլուծաբանի դիտարկմամբ՝ ՌԴ նախագահ Վադիմիր Պուտինի վարչակազմը մտածում է, թե կարողանալու է դիմագրավել պատժամիջոցներին, ինչպես 2008-ին Վրաստանի դեպքում, ապա 2014-ին Ղրիմ ներխուժելու ժամանակ։

«Նրանք գուցե հիմա էլ հույսները կապել են պահուստային միջոցների հետ, գուցե կարծում են, որ գազի, նավթի արտահանման շնորհիվ կկարողանան դիմագրավել, բայց եթե կիրառվի նաև SWIFT համակարգից Մոսկվային անջատելը, ապա ռուսական տնտեսությունը լրջագույն խնդիրներ կունենա»,- նկատում է Ումլանդը։

Գերմանացի վերլուծաբանը կարծում է, որ Պուտինին կանգնեցնելու Արևմուտքի՝ մինչ այս կիրառած գործիքակազմը, որն ավելի շատ սոլիդարության շրջանակներում է, բավարար չէ․

«Կան անհապաղ լուծման անհրաժշտություն զգացող խնդիրներ, որոնց նկատմամբ մոտեցումն այլ պետք է լինի։ Մարտեր են ընթանում եվրոպական տարածաշրջանի ամենամեծ ատոմակայանի`Զապորոժիայի շուրջ: Եթե այստեղ ինչ-որ բան պատահի, արդեն ոչ մեկին սոլիդարություն պետք չի լինի։ Սա արդեն վերաբերում է ազգային անվտանգությանը։ Բացի այդ, կա նաև գաղթականների խնդիրը․ հիմա նրանք հազարավորներ են, բայց ինչ կանենք, եթե միլիոններով գան։ Ո՞վ է այդ գաղթականներին ընդունելու։ Սա ո՛չ մեր սոլիդարության, ո՛չ մեր արժեքների, ո՛չ էլ մեր սկզբունքների մասին է, այս խնդիրների լուծումն արդեն մեր ազգային շահերից է բխելու»,- ընդգծում է մեր զրուցակիցը։

Անդրադառնալով Ուկրաինայի դեմ պատերազմի՝ նախկին ԽՍՀՄ երկրների վրա ազդեցությանը՝ Անդրեաս Ումլանդը կարծիք է հայտնում, որ այդ երկրներն ավելի քիչ են ցանկանալու մերձենալ Ռուսաստանի հետ։ «Օրինակ՝ Մոլդովային, Վրաստանին, անգամ Ղազախստանին վախեցնելու է Ռուսաստանը։ Իհարկե, դեռ պատերազմի չորրորդ օրն է, դժվար է շատ բան կանխատեսելը, բայց իմ կարծիքը տեղի ունեցողի վերաբերյալ այն է, որ Ռուսաստանը մեկուսանալու է»։

Հռիփսիմե Հովհաննիսյան