08.06.2026 | 18:54
ՔՊ-ի կողմից ճնշումների ու խրախուսումների վերաբերյալ ահազանգեր ենք ստացել․ ԵՄ հանձնակատար․ ՏԵՍԱՆՅՈՒԹ
Վլադիմիր Կլիչկոն պատմել է, թե ինչ իրավիճակ է Կիևում․ ՏԵՍԱՆՅՈւԹ
Քաղաքականություն
27.02.2022 | 17:44
Կիևը շարունակում է ինքնապաշտպանությունը: Այս պահին, ընդհանուր առմամբ, քաղաքում իրավիճակը վերահսկելի է։ Այս մասին ասվում է մայրաքաղաքի ղեկավար Վիտալի Կլիչկոյի տեսաուղերձում, որը հրապարակվել է Կիևի քաղաքային պետական վարչության Telegram-ի ալիքում, փոխանցում է UNIAN-ը:
«Կիևը շարունակում է պահել գիծը: Մայրաքաղաքում ռուսական զորքեր չկան: Բայց մեր զինվորականներն ու իրավապահները շարունակում են հայտնաբերել և վնասազերծել դիվերսանտներին:
Գիշերը եղել են բախումներ և փոխհրաձգություններ: Մի քանի խոշոր դիվերսիոն խմբեր ոչնչացվել են»,- ասել է Կլիչկոն:
Նա նշել է, որ քաղաքի բնակիչների անվտանգության համար պարետային ժամ է մտցվել մինչև փետրվարի 28-ի առավոտ: Կլիչկոն նաև հորդորել է փողոց դուրս չգալ:
«Դուք կարող եք հեռանալ միայն այն դեպքում, եթե օդային ռմբակոծման ազդանշանով գնաք ապաստարան», – ասել է Կլիչկոն: Վերջինիս պնդմամբ` ռուսական զորքերը շարունակում են հրետակոծել մայրաքաղաքի բնակելի թաղամասերը։
Կայքը հիշեցնում է, որ Կիևում հարձակման սկզբից՝ փետրվարի 24-ից ի վեր` 9 խաղաղ բնակիչ է զոհվել, այդ թվում՝ մեկ երեխա, 4 անհայտ անձ և 18 զինվորական։ Վիրավորվել է 106 մարդ, որոնցից 47-ը` խաղաղ բնակիչներ, այդ թվում՝ երեք երեխա և 17-ամյա կուրսանտ։
