14.09.2026 | 09:45
Արտարժույթների փոխարժեքները՝ սեպտեմբերի 14-ի դրությամբ
Վրաստանը չի միանա ՌԴ-ի դեմ պատժամիջոցներին․ Ղարիբաշվիլի
Քաղաքականություն
25.02.2022 | 15:02
Վրաստանի վարչապետ Իրակլի Ղարիբաշվիլին հայտարարել է, որ Թբիլիսին չի միանա ՌԴ-ի դեմ Արևմուտքի ֆինանսական ու տնտեսական պատժամիջոցներին, քանի որ կվնասի ազգային և ժողովրդի շահերին։ Այս մասին գրում է ՌԻԱ Նովոստին։
«Մենք դիտարկել ենք գործընկերների գործողությունները։ Նկատի ունեմ տնտեսական ու ֆինանսական պատժամիջոցները։ Ցանկանում եմ վճռականորեն նշել, որ Վրաստանը, հաշվի առնելով իր ազգային շահերն ու ժողովրդի շահը, չի նախատեսում մասնակցել տնտեսական և ֆինանսական պատժամիջոցներին, քանի որ դա ավելի շատ կվնասի մեր երկրին ու բնակչությանը։ Ուստի, որպես ներքին ու արտաքին քաղաքականության համար պատասխանատու անձ, ես գործելու եմ միայն ազգային շահերից ելնելով»,- լրագրողների հետ զրույցում ասել է Ղարիբաշվիլին։
Էմմա Չոբանյան
