29.07.2026 | 14:27
Զելենսկին հայտնել է Ռյազանի և Պերմի նավթավերամշակման գործարաններին հարվածների մասին
Թուրքիան անընդունելի է համարում Ռուսաստանի ռազմական գործողությունը Ուկրաինայում․ Էրդողան
Քաղաքականություն
24.02.2022 | 17:09
Թուրքիան կրկին կոչ է անում Ռուսաստանին և Ուկրաինային՝ բոլոր հակասությունները լուծել Մինսկյան պայմանավորվածությունների շրջանակում երկխոսության միջոցով։ Այս մասին հայտարարել է Թուրքիայի նախագահ Ռեջեփ Թայիփ Էրդողանը, գրում է «Անադոլու» գործակալությունը։
Նա նշել է, որ Թուրքիան մերժում է և չի ընդունում Ուկրաինայի դեմ Ռուսաստանի ռազմական գործողությունը։ Էրդողանը նշել է, որ Անկարան ՌԴ-ին և Ուկրաինային համարում է բարեկամական երկրներ, որոնց հետ ունի սերտ քաղաքական, տնտեսական ու սոցիալական կապեր։
«Ռուսաստանի և Ուկրաինայի առճակատումը մեզ մոտ անկեղծ ափսոսանք է առաջացնում»,- ասել է Թուրքիայի ղեկավարը։
Էրդողանը հայտարարել է, որ Թուրքիան աջակցում է Կիևի պայքարին տարածքային ամբողջականության պաշտպանության հարցում, «ինչի մասին նա հայտնել է Ուկրաինայի նախագահ Վլադիմիր Զելենսկիին այսօր կայացած հեռախոսազրույցի ընթացքում»։
«Ռուսաստանի ռազմական ներխուժումն Ուկրաինա հակասում է միջազգային իրավունքի նորմերին և լուրջ հարված հասցնում տարածաշրջանում խաղաղությանն ու կայունությանը»,- ասել է Էրդողանը։
Նա նշել է, որ Անկարան պատրաստ է անհրաժեշտ ջանքերը գործադրել՝ «Թուրքիայի քաղաքացիների, եղբայրական Ղրիմի թաթարների և Ուկրաինայում ապրող բոլոր մարդկանց անվտանգությունն ապահովելու համար»։
Էմմա Չոբանյան
