19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Արմեն Գյոզալյանը նշանակվել է ՀՀ ԶՈՒ գլխավոր շտաբի պետի տեղակալ
Քաղաքականություն
24.02.2022 | 16:21
ՀՀ նախագահի աշխատակազմից տեղեկացնում են, որ ՀՀ նախագահի լիազորությունները իրականացնող Ալեն Սիմոնյանի հրամանագրով Արմեն Գյոզալյանը նշանակվել է ՀՀ ԶՈՒ գլխավոր շտաբի օպերատիվ գլխավոր վարչության պետ-Հայաստանի Հանրապետության զինված ուժերի գլխավոր շտաբի պետի տեղակալ։
«Հիմք ընդունելով վարչապետի առաջարկությունը՝ համաձայն Սահմանադրության 133-րդ հոդվածի 1-ին մասի, ինչպես նաև «Զինվորական ծառայության և զինծառայողի կարգավիճակի մասին» օրենքի 35.1-ին հոդվածի 1-ին մասի և 36-րդ հոդվածի 1-ին մասի 1-ին կետի.
Արմեն ԳՅՈԶԱԼՅԱՆԻՆ նշանակել Հայաստանի Հանրապետության զինված ուժերի գլխավոր շտաբի օպերատիվ գլխավոր վարչության պետ-Հայաստանի Հանրապետության զինված ուժերի գլխավոր շտաբի պետի տեղակալ՝ ազատելով Հատուկ բանակային կորպուսի շտաբի պետ-կորպուսի հրամանատարի տեղակալի պաշտոնից»,- ասված է հրամանագրում։
Հիշեցնենք, որ Ալեն Սիմոնյանի մեկ այլ հրամանագրով Արտակ Դավթյանն ազատվել էր ՀՀ ԶՈՒ գլխավոր շտաբի պետի պաշտոնից։
