28.03.2026 | 15:00
ՀՀ դեսպանը մասնակցել է «Հայկական արվեստն ու աշխարհը» խորագրով ամենամյա դասախոսությանը
Նախատեսվում է Վրաստանի և Իրանի հետ էներգետիկ ոլորտում համագործակցության ծավալները մի քանի անգամ ավելացնել
Տնտեսություն
24.02.2022 | 11:24
ՀՀ ՏԿԵ նախարարի տեղակալ Հակոբ Վարդանյանը երեկ ընդունել է Սևծովյան տնտեսական համագործակցության կազմակերպության (ՍՏՀԿ) գլխավոր քարտուղար Լազար Կոմյանեսկուի գլխավորած պատվիրակությանը. տեղեկացնում են ՏԿԵՆ-ից։
Լազար Կոմյանեսկուն շնորհակալություն է հայտնել ընդունելության համար և շեշտել կազմակերպության կարևորությունը Հայաստանի էներգետիկ ենթակառուցվածների ոլորտում՝ 2022-ը համարելով կարևոր տարի դրված նպատակներին հասնելու համար:
Հակոբ Վարդանյանը, շնորհավորելով Լազար Կոմյանեսկուին բարձր և պատասխանատու պաշտոնն ստանձնելու կապակցությամբ, մաղթել է հետագա հաջողություններ և արդյունավետ աշխատանք ի նպաստ կազմակերպության և անդամ երկրների:
Նախարարի տեղակալը խոսել է նաև էներգետիկ ոլորտում հարևան երկրների՝ Վրաստանի և Իրանի հետ արդյունավետ համագործակցության մասին․ նախատեսվում է մոտակա տարիներն խորապես զարգացնել համագործակցությունը և մի քանի անգամ ավելացնել ծավալները:
Որպես ՍԾՏՀ էներգետիկայի աշխատանքային խմբի երկիր Հայաստանը փորձում է խթանել անդամ պետությունների միջև համագործակցությունը ՍԾՏՀ-ի դրույթների իրականացման համար:
Հանդիպման ժամանակ քննարկվել են երկկողմ ոլորտային հետաքրքրություն ներկայացնող այլ հարցեր ևս։
