29.07.2026 | 10:44
Պատգամավորի թեկնածու Արա Նախշքարյանը ձերբակալվել է ընտրակաշառքին առնչվող գործի շրջանակներում
Մոլդովայի խորհրդարանի նախագահն այցելել է Շուշի․ ԼՈՒՍԱՆԿԱՐՆԵՐ
Քաղաքականություն
23.02.2022 | 23:30
Մոլդովայի խորհրդարանի նախագահ Իգոր Գրոսուի գլխավորած պատվիրակությունը, որն այս օրերին գտնվում է Բաքվում, այցելել է Արցախի գրավյալ Շուշի ու Վարանդա։
Լրագրողների հետ զրույցում Գրոսուն հայտարարել է, որ մոլդովացի գործարարները կարող են մասնակցել Արցախի գրավյալ տարածքների վերականգնմանը։ Նա նշել է, որ այդ հարցը քննարկելու է գործարարների հետ։
«Հանդիպում տեղի կունենա Ադրբեջանի փոքր և միջին բիզնեսի զարգացման գործակալության և Մոլդովայի զարգացման գործակալության միջև։ Ե՛վ ես, և՛ Ադրբեջանի փոքր ու միջին բիզնեսի զարգացման գործակալությունը հնարավորություն կունենանք մոլդովացի գործարարներին տեղեկացնել այդ տարածքներում շինարարական և վերականգնողական աշխատանքների ծավալների մասին։ Տեղեկացա, որ «ազատագրված տարածքներում» քաղաքներն ու գյուղերը կառուցվելու են ամենաժամանակակից մոտեցման հիման վրա։ Սա նշանակում է, որ լավ հնարավորություններ կան մոլդովացի գործարարների համար»,- ասել է Մոլդովայի խորհրդարանի նախագահը։
Նշենք, որ նախօրեին էլ Իգոր Գրոսուն Բաքվում հանդիպել է Ադրբեջանի Միլլի Մեջլիսի խոսնակ Սահիբա Գաֆարովայի հետ։
Էմմա Չոբանյան
