19.12.2025 | 17:34
Արման Ծառուկյան․ Գեյջին ու Փիմբլեթն իմ մակարդակի մարտիկներ չեն
Եթե զինծառայողը մահանում է, ցանկացած դեպքում պատասխանատվությունը ՊՆ-ի վրա է. Թագուհի Թովմասյան
Քաղաքականություն
23.02.2022 | 14:58
ՀՀ պաշտպանության և անվտանգության հարցերի հանձնաժողովի նիստում քննարկվում է ԱԺ «Քաղաքացիական պայմանագիր» խմբակցության պատգամավոր Հայկ Սարգսյանի ներկայացրած նախագիծը, որով առաջարկում է փոփոխություն կատարել «Զինվորական ծառայության և զինծառայոողի մասին» օրենքում:
Ներկայացված Նախագծով առաջարկվում է փոփոխություն կատարել «Զինվորական ծառայության և զինծառայողի կարգավիճակի մասին» ՀՀ օրենքում: Մասնավորապես առաջարկվում է որպես պարտադիր զինվորական ծառայությունից ազատվելու հիմք սահմանել քաղաքացու` Հայաստանի Հանրապետության պաշտպանության մարտական գործողությունների կամ զինված ուժերում կամ այլ զորքերում կամ Հայաստանի Հանրապետության միջազգային պայմանագրերով Հայաստանի Հանրապետությունում տեղակայված օտարերկրյա պետությունների զինվորական ստորաբաժանումներում զինվորական ծառայության ընթացքում զոհված (մահացած) ծնող կամ եղբայր կամ քույր ունենալը` անկախ ընտանիքի միակ արու զավակը լինելու հանգամանքից:
«Պատիվ ունեմ» խմբակցության պատգամավոր Թագուհի Թովմասյանը համոզմունք հայտնեց, որ զինծառայության երկու տարվա ընթացքում զինծառայողի հետ ցանկացած պատահածի պատասխանատուն պետությունն է, և ճիշտ չէ տարբերակել մարտական գործողություների և ոչ մարտական իրավիճակում զոհերին և հետագայում խտրական մոտեցում ցոցաբերել նրանց ընտանիքի անդամների նկատմամբ
Ըստ նրա՝ փոփոխությունները իրավունքի տեսանկյունից վիճահարույց են, ուստի պետք է խութերը հստակեցներ, նոր փոփոխությունները կյանքի կոչել:
Պաշտպանության փոխնախարար Արման Սարգսյանն արձագանքեց՝ ծառայության ընթացքում օրինակ միջանձնային հարաբերությունների հետևանքով զոհված զինծառայողի և մարտական ծառայություն իրականացնելիս զոհված զինծառայողի միջև հավասարության նշան դնել պետք չէ:
Մանրամասները՝ տեսանյութում:
