14.09.2026 | 09:45
Արտարժույթների փոխարժեքները՝ սեպտեմբերի 14-ի դրությամբ
Ադրբեջանը Արցախի գրավյալ տարածքներում ականային միջադեպերի նոր տվյալներ է հրապարակել
Քաղաքականություն
23.02.2022 | 14:26
Ադրբեջանում նոր տվյալներ են հայտնել Արցախի գրավյալ տարածքներում ականի վրա պայթած անձանց մասին։ Մասնավորապես, տեղական լրատվամիջոցների հետ զրույցում ՆԳՆ մամուլի ծառայության ղեկավար Էլշադ Հաջիևը հայտնել է, որ 44-օրյա պատերազմից հետո Արցախի գրավյալ տարածքներում ականի վրա 85 քաղաքացիական անձ է պայթել։
Նրա փոխանցմամբ՝ ականի վրա պայթած քաղաքացիներից 30-ը մահացել է, 55-ը՝ տարբեր աստիճանի ծանրության մարմնական վնասվածքներ ստացել։
«Նրանց թվում տարբեր մարդիկ են, որոնք մուտք են գործել այդ տարածքներ և ականային պայթյունի վտանգի առաջ կանգնել։ Մինչև ականազերծման գործընթացի ավարտը տարածքներում չնախատեսված երթուղիներով տեղաշարժը վտանգավոր է»,- ասել է Հաջիևը՝ նշելով, որ մահացածների մեջ կան քաղաքացիներ, որոնք բազմիցս անօրինական կերպով այցելել են այդ տարածքներ և պատժվել օրենքով սահմանված կարգով։
Նշենք, որ պատերազմից հետո Արցախի գրավյալ տարածքներում, քաղաքացիական անձանցից զատ, ականի վրա պայթել է 117 զինվորական, որից 7-ը՝ մահացել։ Ստացվում է, որ, ընդհանուր առմամբ, ականի վրա պայթել է 202 ադրբեջանցի, որից 37-ը՝ մահացել։
Էմմա Չոբանյան
