09.02.2026 | 20:45
Շնորհակալություն եմ հայտնել Վենսին իր անձնական ներդրման համար․ Փաշինյան. ՏԵՍԱՆՅՈՒԹ
Ադրբեջանը հայտնում է, որ Լաչինի շրջանցիկ ճանապարհը շահագործման է հանձնվելու այս տարվա ամռանը
Քաղաքականություն
22.02.2022 | 17:38
Լաչինը շրջանցող նոր ճանապարհը շահագործման է հանձնվելու այս տարվա ամռանը․ այս մասին հայտնել է Ադրբեջանի Պետական ավտոմոբիլային ճանապարհների գործակալության խորհրդի նախագահ Սալեհ Մամեդովը։ Ադրբեջանական լրատվամիջոցների հաղորդմամբ՝ Մամեդովն ասել է․ «Այդ ճանապարհի երկարությունհը կլինի 28 կմ, որից 17 կմ-ն արդեն կառուցված է, պատրաստ է նաև Հաքարի գետով վրայով անցնող կամուրջը։ Ճանապարհի շահագործումը նախատեսված է այս տարվա հունիսին»։ Նրա խոսքով՝ այդ ճանապարհը կապելու է Լաչինի շրջանի 6 գյուղ։
Հավելենք, որ 2020թ-ի նոյեմբերի 9-ի ՀՀ-ի, ՌԴ-ի ու Ադրբեջանի ղեկավարների եռակողմ հայտարարության համաձայն՝ Լեռնային Ղարաբաղի և Հայաստանի միջև կապն ապահովելու համար առաջիկա երեք տարիների ընթացքում պիտի հաստատվի Լաչինի միջանցքի երկայնքով նոր երթուղու կառուցման նախագիծ, որից հետո ռուսական խաղաղապահ զորակազմը կվերատեղակայվի՝ այդ երթուղին պաշտպանելու համար:
Այժմ Հայաստանի ու Արցախի կապն ապահովվում է Լաչինի միջանցքով։
Էմմա Չոբանյան
