03.08.2026 | 11:35
Վահան Բիչախչյանն առաջին արդյունավետ գործողությունն է կատարել նոր մրցաշրջանում. ՏԵՍԱՆՅՈՒԹ
ԵզրաԿԱՑՈՒԹՅՈՒՆ.Սերժ Սարգսյանը 2 օրվա ընթացքում արտերկրից ստացել է ընդամենը 4 շնորհավորանք․ Ռուսաստանից, Վրաստանից և Ղազախստանից. ՏԵՍԱՆՅՈՒԹ
Քաղաքականություն
19.04.2018 | 23:08
Ապրիլի 17-ին վարչապետ դարձած Սերժ Սարգսյանը ապրիլի 19-ի դրությամբ ստացել է 8 շնորհավորանք, որոնցից 4-ը՝ երկրի ներսից: ԱԺ պատգամավորներից և խորհրդարանի նախագահ Արա Բաբլոյանից բացի, Սերժ Սարգսյանին շնորհավորել են՝ ՀՀ չորրորդ նախագահ Արմեն Սարգսյանը, երկրորդ նախագահ Ռոբերտ Քոչարյանը, Ն.Ս.Օ.Տ.Տ. Գարեգին Բ Ամենայն Հայոց Կաթողիկոսը և Արցախի Հանրապետության նախագահ Բակո Սահակյանը։
Իսկ ահա այլ պետություններից վարչապետ Սերժ Սարգսյանին շնորհավորել են ՌԴ նախագահ Վլադիմիր Պուտինը, Ռուսաստանի վարչապետ Դմիտրի Մեդվեդևը, Ղազախստանի նախագահ Նուրսուլթան Նազարբաևը և Վրաստանի վարչապետ Գիորգի Կվիրիկաշվիլին: Սերժ Սարգսյանը նաև պատասխանել է ՌԴ նախագահ Վլադիմիր Պուտինի զանգին, որը հեռախոսով փոխանցել է շնորհավորական հեռագրում ասվածը. այդպես ավելի արագ տեղ կհասներ:
Մինչդեռ եվրոպական որևէ երկիր, որևէ այլ գերտերություն դեռևս շնորհավորական ուղերձ չի հղել Սերժ Սարգսյանին, փոխարենը՝ միջազգային կառույցներն ու ԱՄՆ պետդեպարտամենտը կոչ են արել բռնություն չցուցաբերել Երևանում անցկացվող հանրահավաքի մասնակիցների նկատմամբ։
Սևակ Հակոբյան
