06.10.2026 | 19:45
«Երևան Մոլ»-ից «Շանթ» ու «Արմենիա TV»․ ինչո՞ւ են Դատախազություն կանչել Միքայել Մինասյանին ու կնոջը․ ՏԵՍԱՆՅՈՒԹ
Քիչ է մնում ասեք՝ գործերը «ցրել ա» իր վրայից ու գնացել. դատավոր Ռշտունին վրդովվեց․ ՏԵՍԱՆՅՈՒԹ
Հասարակություն
21.02.2022 | 16:24
Բարձրագույն դատական խորհուրդն այսօր շարունակում է Վերաքննիչ քրեական դատարանի դատավոր Վազգեն Ռշտունու դեմ հարուցված կարգապահական վարույթի միջնորդության քննությունը։
Նշենք, որ ՀՀ արդարադատության նախարարության կողմից կարգապահական պատասխանատվության ենթարկելու միջնորդության հիմքը Ռշտունու՝ երկարատև արձակուրդ մեկնելու պատճառով քրեական գործերը վերամակագրելն է։
Դատավոր Վազգեն Ռշտունին նշեց, որ կան գործեր, որոնք հնարավոր են ավարտել 1 օրում, և կան գործեր, որոնք կարող են 10 անգամ հետազոտվել. «Օրինակ՝ հանձնված գործերից մեկով կայացել են մոտ 6-7 դատական նիստ, որոնք մյուս դատավորները հնարավորություն չեն ունեցել ավարտելու։ Ընդ որում՝ արդեն անցել է 7 ամիս: Այսինքն՝ ես գտել եմ, որ 2 ամիս պահելուց այդ դեպքում ողջամիտ ժամկետի խախտում կլինի, քանի որ 2 ամսում ես որևէ գործողություն չէի կատարի… Ես կմտնեի առաջին նիստին, թե այլ դատավոր, դա հավասար էր, որովհետև դա առաջին դատական նիստն էր լինելու: Այնպես չէ, որ ես բողոքները լսել էի, հասել էի վիճաբանությունների փուլ, այդ գործը հանձնեցի այլ դատավորի և գնացի», -նշեց դատավոր Վազգեն
Ռշտունու դիտարկմամբ՝ նախարարության ներկայացուցիչների հայտարարությունները գնահատողական էին: Նա հավելեց. «Տպավորություն էր՝ քիչ էր մնում ասեին՝ գործերը ցրել ա իր վրայից ու գնացել է։ Այսինքն՝ ասաց, բայց թաքնված ձևով»։
Մանրամասները՝ տեսանյութում:
