29.07.2026 | 13:34
Փոխվարչապետ Տիգրան Խաչատրյանը հրաժեշտի հանդիպում է ունեցել Ֆրանսիայի դեսպանի հետ
Ադրբեջանցիներ են պայթել ականի վրա
Քաղաքականություն
18.02.2022 | 17:23
Ադրբեջանի Տերտերի շրջանում ականի վրա պայթելու հետևանքով երկու մարդ է տուժել, գրում են ադրբեջանական լրատվամիջոցները։
Ադրբեջանի ականազերծման գործակալության հաղորդմամբ՝ փետրվարի 18-ին Տերտերի շրջանում երկու անձ է տուժել՝ Ալիշան Սաֆարովը (ծնված 1963 թ.) և Ֆաիգ Սաֆարովը (ծնված 1965 թ.): Տուժածները տեղափոխվել են հիվանդանոց։
Նշվում է, որ նրանք Ավտոմոբիլային ճանապարհների պետական գործակալության թիվ 42 բաժնի աշխատակիցներ են։ Աղբյուրի փոխանցմամբ՝ ականի վրա պայթյունը տեղի է ունեցել տարածքում, որտեղ ականզերծման աշխատանքներ չեն իրականացվում։
Առաջին բուժօգնություն ստանալուց հետո տուժածներից մեկը դուրս է գրվել հիվանդանոցից։ Երկրորդի վիճակը գնահատվում է բավարար, նա գտնվում է բժիշկների հսկողության ներքո։
Էմմա Չոբանյան
