29.07.2026 | 13:34
Փոխվարչապետ Տիգրան Խաչատրյանը հրաժեշտի հանդիպում է ունեցել Ֆրանսիայի դեսպանի հետ
Եվս երկու ռուսական ավիաընկերություն Մոսկվայից Վարանդա չվերթներ իրականացնելու թույլտվություն է ստացել
Քաղաքականություն
18.02.2022 | 14:04
ՌԴ-ի օդային տրանսպորտի դաշնային գործակալությունը՝ «Ռոսավիացիա»-ն, ռուսական չորս ավիաընկերությունների թույլ է տվել Ռուսաստանի տարբեր քաղաքներից Ադրբեջան 5 չվերթ իրականացնել։ «Ինտերֆաքս»-ի ադրբեջանական ծառայության հաղորդմամբ՝ «Ռոսավիացիա»-ն որոշել է Red Wings, North Wind, Icarus և Azimuth ավիաընկերություններին դեպի Ադրբեջան թռիչքների թույլտվություն տրամադրել։
Բացի այդ, «Ռոսավիացիա»-ի որոշմամբ՝ North Wind և Icarus ավիաընկերությունները թույլտվություն են ստացել Մոսկվա-Վարանդա չվերթներ իրականացնել շաբաթական 7 անգամ հաճախականությամբ։
Միաժամանակ, օդային տրանսպորտի դաշնային գործակալության կայքում նշվում է, որ այդ թույլտվությունների տրամադրման որոշումը հիմք կամ որոշում չէ նշված միջազգային երթուղիներով թռիչքները վերսկսելու մասին։ Մուտքը ավիաընկերության իրավունքն է, որից նա կկարողանա օգտվել թռիչքները վերսկսելիս։
Հիշեցնենք՝ 2021թ․ դեկտեմբերին էլ «Ռոսավիացիա»-ն Մոսկվայից Վարանդա թռիչքներ իրականացնելու թույլտվություն էր տվել IrAero ավիաընկերությանը։
Հավելենք, որ ադրբեջանական վերահսկողության տակ գտնվող Վարանդայի օդանավակայանի պաշտոնական բացումը տեղի էր ունեցել 2021թ․ հոկտեմբերի 26-ին Ադրբեջանի նախագահ Իլհամ Ալիևի և Թուրքիայի նախագահ Ռեջեփ Թայիփ Էրդողանի մասնակցությամբ։
Էմմա Չոբանյան
