20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Հանդիպել եմ Սերժ Սարգսյանի հետ. Ռոբերտ Քոչարյան․ ՏԵՍԱՆՅՈՒԹ
Քաղաքականություն
17.02.2022 | 13:01
«Վերջին անգամ ես Սերժ Սարգսյանի հետ մասնակցել եմ ՀՅԴ-ի կազմակերպված միջոցառմանը»,-այս մասին այսօր կայացած ասուլիսի ժամանակ նշեց ՀՀ երկրորդ նախագահ Ռոբերտ Քոչարյանը:
Նա հավելեց, որ վերջերս Արցախի նախագահներ Բակո Սահակյանի, Արայիկ Հարությունյանի, ինչպես նաև ՀՀ երրրորդ նախագահ Սերժ Սարգսյանի հետ է հանդիպել են։
«Չորս հոգով հանդիպել ենք և քննարկել Ղարաբաղում տիրող իրավիճակը: Մոտ 2 ժամ քննարկում ենք ունեցել, սակայն անձնական հարցեր չենք քննարկել։ Զուտ քննարկել ենք` ինչ կարելի է անել, ինչ լուծումներ գտնել։ Բոլորս մտահոգված ենք»,- ասաց Քոչարյանը։
Քոչարյանը նշեց նաև, որ «Հայաստան» և «Պատիվ ունեմ» խմբակցություններն էլ իրենց հերթին համագործակցում են խորհրդարանում. «Կան հարցեր, որտեղ տարբեր հայացքներ ունենք, չնայած բոլոր հակասություներին, նախկինից կուտակված խնդիրների, պետք է ի վիճակի լինել պայմանավորվել կարևոր հարցերի շուրջ»։
Քոչարյանը հավելեց, որ հատուկ, լայնածավալ շփումներ չունի Սերժ Սարգսյանի հետ, սակայն եթե կան հարցեր, կարող են զանգել և խոսել իրար հետ։
Մանրամասները՝ տեսանյութում:
