29.07.2026 | 12:34
ՔՊ-ին սատարելու համար 61-ամյա քաղաքացուն թիրախավորած անձի գործն ուղարկվել է դատարան
Լավրովն ու Բայրամովը քննարկել են հայ-ադրբեջանական հարաբերությունների կարգավորման գործընթացը
Քաղաքականություն
16.02.2022 | 21:37
Փետրվարի 16-ին տեղի է ունեցել Ռուսաստանի արտաքին գործերի նախարար Սերգեյ Լավրովի հեռախոսազրույցը Ադրբեջանի ԱԳ նախարար Ջեյհուն Բայրամովի հետ։ Այս մասին տեղեկանում ենք ՌԴ ԱԳՆ պաշտոնական կայքից։
Նշվում է, որ քննարկել են մի շարք հարցեր, այդ թվում՝ երկու երկրների ռազմավարական համագործակցության վերաբերյալ։
Զրույցի ընթացքում անդրադարձ է եղել նաև հայ-ադրբեջանական հարաբերությունների կարգավորման գործընթացին:
«Հատուկ ուշադրություն է դարձվել Անդրկովկասում իրավիճակին, առաջին հերթին՝ Ադրբեջանի և Հայաստանի միջև հարաբերությունների կարգավորման գործընթացին: Այս համատեքստում ընդգծվել է Ռուսաստանի, Ադրբեջանի և Հայաստանի առաջնորդների 2020 թվականի նոյեմբերի 9-ի, ինչպես նաև՝ 2021 թվականի հունվարի 11-ի և նոյեմբերի 26-ի եռակողմ համաձայնությունների բոլոր դրույթների պարտադիր կատարման կարևորությունը»,- ասվում է հայտարարության մեջ:
