09.09.2026 | 11:04
ԱԺ ֆինանսավարկային և բյուջետային հարցերի մշտական հանձնաժողովի նիստը․ ՈՒՂԻՂ
«Ոստիկանությունը վախենում է համը հանել»․ փաստաբան Տիգրան Աթանեսյան
Հասարակություն
18.04.2018 | 20:02
Փաստաբան Տիգրան Աթանեսյանը ընդհանուր առմամբ օրինականության սահմաններում է տեսնում ընդդիմության բողոքի գործողություններն ու ոստիկանության հակազդեցությունը։
«Ցուցարարների կողմից ամեն ինչ նորմալ էր մինչև դուռ-մուռ ջարդելը և ոստիկանական պատնեշի հետ բախման մեջ մտնելը»,- ասում է փաստաբանը։ Սակայն նա դուռ ջարդելն ու փոքրիկ բախումները ոստիկանության հետ ամբողջ ընդդիմության գործողություն չի համարում, այլ 3-4 հոգու օրինազանցություն։
Փաստաբանն ապօրինություններ չի տեսնում նաև ոստիկանների գործողություններում:
«Ավելին, նրանք համբերատար են»։ Այն հարցին, թե կա՞ վտանգ, որ ոստիկանությունը շուտով կկորցնի համբերությունը և կանցնի գործողությունների, Տիգրան Աթանեսյանը նկատեց, որ ոստիկանությունն արդեն իսկ ունի դիրքորոշում, որ հավաքներն ապօրինի են և կարող են ցրվել։ «Ուղղակի հարցն այն է՝ կգործե՞ն նրանք գրագետ և ճիշտ։ Վտանգավոր իրավիճակ է, իրենք վախենում են համը հանել։ Հենց այդ պատճառով էլ չեն անցնում վճռական գործողությունների»,- ամփոփում է փաստաբանը։
Մհեր Արշակյան
