«Հիմա ռուսներն էլ են զարմացած, եթե Սերժին հանեն, կարող է ռուսական զորք էլ մտցնեն Հայաստան»․ Ռուբեն Հախվերդյան

Լուրեր

19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
Բոլորը

Factor.am-ը Սերժ Սարգսյանի վարչապետության դեմ «Քաղաքացիական պայմանագիր» կուսակցության ղեկավար, ԱԺ պատգամավոր Նիկոլ Փաշինյանի առաջնորդած շարժման մասին զրուցել է երգիչ, երգահան Ռուբեն Հախվերդյանի հետ։

-Պարոն Հախվերդյան, ինքներդ մասնակցում եք բողոքի ցույցերին։ Հետաքրքիր է՝ որքանո՞վ եք ոգևորված այս շարժումով։ Ի՞նչ հույսեր եք կապում հատկապես շարժման կորիզ հանդիսացող երիտասարդների հետ։

-Դե մեր տարիքն անցել է, բայց, իհարկե, նրանցով ոգևորված եմ, որովհետև երիտասարդները հասկացան, որ այս երկրում ապագա չունեն։ Նրանք դուրս եկան «ուսխորհրդային» մակարդակից։

-Ոստիկանների պահվածքի մասին ի՞նչ կասեք։ Նրանց մեջ, ինչպես տեսնում ենք, կան հակասական տեսակներ՝ բռնություն կիրառողներից մինչև ցուցարարի գրկախառնությունից լացողներ։

-Ես նկատում եմ, որ ոստիկաններն իրենք էլ չեն սիրում այս իշխանություններին։ Իբր նրանց ստացած փողն ի՞նչ է։ Իսկ այն, որ ցուցարարների գրկախառնությունից երջանկության արցունքներ են հայտնվել նրանցից ոմանց աչքերին, դա արդեն բարոյական հաղթանակ է։

-Երեկ Սերժ Սարգսյանը հայտարարեց, որ շարժման մասնակիցների թիվը փոքր է։ Ի՞նչ կասեք։

-Նա անընդհատ ստում է, հետն էլ կարծում է, թե ժողովուրդը հիմար է, չի հասկանում։ Սուտլիկ Սերժն է էլի։ Այստեղ շատ կարևոր է հասկանալ, որ պայքարը համակարգի դեմ է։ Թե չէ Սերժին հանեցին, Մերժին կարող են դնել։ Ամբողջ հարցն այն է, որ Սերժ Սարգսյանին էլ, Ռոբերտ Քոչարյանին էլ ռուսական հատուկ ծառայություններն են բերել այստեղ։ Հիմա ռուսներն էլ են զարմացած, ավելին՝ եթե Սերժին հանեն, կարող է ռուսական զորք էլ մտցնեն Հայաստան։

-Շատերին կհետաքրքրի՝ Նիկոլ Փաշինյանի կերպարի մասին ի՞նչ կարծիք ունեք։

-Նա ինչ ասում է՝ ճիշտ է ասում, բայց դա արմատը չի, արմատը ռուսն է։ Օրինակ՝ ես տեսնում եմ, որ շարժման մասնակիցների ձեռքին պլակատներ կան, որոնց վրա Սերժ Սարգսյանն է պատկերված, վրան գիծ քաշած։ Բայց մի անգամ չտեսա՝ Պուտինի նկարի վրա գիծ քաշեին։ Նախկինում կար ցար, որն ուներ նամեստնիկներ։ Հիմա ցարը Պուտինն է, նամեստնիկն էլ՝ Սերժ Սարգսյանը։ Այսքանը։ Էլ ասելիք չունեմ։

Աննա Բաբաջանյան