29.07.2026 | 14:27
Զելենսկին հայտնել է Ռյազանի և Պերմի նավթավերամշակման գործարաններին հարվածների մասին
Իլհամ Ալիևը վավերացրել է «Շուշիի հռչակագիրը»
Քաղաքականություն
12.02.2022 | 17:46
Ադրբեջանի նախագահ Իլհամ Ալիևը շաբաթ օրը վավերացրել է «Շուշիի հռչակագիրը» Թուրքիայի հետ դաշնակցային հարաբերությունների մասին։ Այս մասին հաղորդում է «Ինտերֆաքսը»։
Ավելի վաղ հաղորդվել էր, որ 2021 թվականի հունիսի 15-ին Շուշիի հռչակագիրը ստորագրել են Ադրբեջանի և Թուրքիայի նախագահներ Իլհամ Ալիևը և Ռեջեփ Էրդողանը:
Ինչպես ավելի վաղ հաղորդվել էր, Ադրբեջանն ու Թուրքիան, համաձայն «Շուշիի հռչակագրի», պայմանավորվել են փոխադարձ ռազմական օգնություն ցուցաբերել ՄԱԿ-ի կանոնադրության հիման վրա՝ կողմերից մեկի անկախության, ինքնիշխանության, տարածքային ամբողջականության համար սպառնալիքներ և ռիսկեր առաջանալու դեպքում:
Հռչակագրի համաձայն՝ նման ռիսկերի առաջացման դեպքում Բաքուն և Անկարան համատեղ խորհրդատվություններ կանցկացնեն, հանդես կգան նախաձեռնություններով, որոնք ուղղված են այդ ռիսկերի և սպառնալիքների վերացմանը, փոխադարձ օգնություն կցուցաբերեն: Ընդ որում, օգնության ծավալն ու ձևը կորոշվեն անհապաղ քննարկումների եւ համատեղ միջոցառումների անցկացման միջոցով, երկու երկրների զինված ուժերը կիրականացնեն անհրաժեշտ համակարգումը:
Բացի այդ, հռչակագրում կա կետ, որի համաձայն՝ Բաքուն և Անկարան կշարունակեն համատեղ ջանքերը երկու երկրների զինված ուժերի արդիականացման համար՝ ժամանակակից պահանջներին համապատասխան:
Ավելի վաղ տեղեկացրել էինք, որ Թուրքիայի նախագահ Ռեջեփ Թայիփ Էրդողանի ստորագրությամբ օրենքի ուժ է ստացել օրերս թուրքական մեջլիսի կողմից վավերացված «Շուշիի հռչակագիրը»:
