07.11.2024 | 13:47
Հայաստանի քաղաքացիները կկարողանան առանց վիզայի մեկնել Մոնղոլիա
Իսրայելի ԱԳՆ բարձրաստիճան պաշտոնյան գաղտնի այցելել է Թուրքիա. իսրայելական ԶԼՄ-եր
Քաղաքականություն
10.02.2022 | 22:53
Իսրայելի ԱԳՆ բարձրաստիճան պաշտոնյան անցյալ ամիս գաղտնի այցելել է Թուրքիա՝երկրի նախագահ Իսաակ Հերցոգի հնարավոր այցին ընդառաջ, գրում է Times of Israel-ը։
Անցյալ շաբաթ Թուրքիայի նախագահ Ռեջեփ Թայիփ Էրդողանը ասել էր, որ Հերցոգը մարտին այցելելու է Անկարա, սակայն Իսրայելը այցը դեռ չի հաստատում։
Ըստ Ynet-ի և Army Radio-ի՝ ԱԳՆ գլխավոր տնօրեն Ալոն Ուշփիցը անցյալ ամիս այցելել է Թուրքիա՝ Հերցոգի հնարավոր այցը կազմակերպելու համար։ Նշվում է, որ այցի ընթացքում նա հանդիպել է թուրք պաշտոնյա Իբրահիմ Քալընին, որը Էրդողանի մամուլի խոսնակն է , դիվանագիտական հարցերով խորհրդականն ու աջ ձեռքը։
Նշվում է, որ Անկարայում Իսրայելի գործերի ժամանակավոր հավատարմատար Իրիտ Լիլիանը սերտ կապեր ունի Քալընի հետ, որը առանցքային դեր է խաղացել անցյալ տարի Թուրքիայում ձերբակալված իսրայելցի զբոսաշրջիկների՝ Նատալիի և Մորդի Օկնինների ազատ արձակման գործում, որոնվց լրտեսության մեջ էին մեղադրում։ Ուշփիզի այցը Թուրքիա առաջինն է իսրայելցի բարձրաստիճան պաշտոնյայի կողմից մոտ վեց տարվա ընթացքում: Արտաքին գործերի նախարարությունը հրաժարվել է մեկնաբանել հաղորդագրությունը։
Թուրքական լրատվամիջոցներն էլ հայտնել են, որ թուրք պաշտոնյա շուտով կուղևորվի Իսրայել՝ նախապատրաստվելու Հերցոգի հնարավոր այցին։
Էմմա Չոբանյան
