Լրտեսական բացահայտումը խայտառակություն է՝ պետական շահի դեմ են գործել․ ո՞նց է բանակը համալրվել․ Էմիլ Օրդուխանյան. ՏԵՍԱՆՅՈՒԹ

Լուրեր

18.11.2026 | 23:30
Հայաստանի մի շարք հասցեներում էլեկտրաէներգիայի անջատումներ կլինեն
18.11.2026 | 23:16
Աբրահամ Խաշմանյանը վերադարձել է մարզչական աշխատանքի
18.11.2026 | 23:03
Ադրբեջանի իշխանությունները պետք է անհապաղ և անվերապահորեն ազատ արձակեն խոսքի ազատության իրավունքն իրացնելու համար բանտարկվածներին․ Amnesty International
18.11.2026 | 22:51
Հայտնի են հոգեբանների և արտադպրոցական հաստատությունների մանկավարժների կամավոր ատեստավորման օրերը
18.11.2026 | 22:35
Հայ մարմնամարզիկները ոսկե ու արծաթե մեդալներ են նվաճել միջազգային մրցաշարում
18.11.2026 | 22:21
ՌԴ-ն Լեհաստանի տարածքում դիվերսիա էր ծրագրել՝ պատասխանատվությունը Կիևի վրա բարդելու համար․ Rzeczpospolita
18.11.2026 | 22:08
Եկեք գնանք ժողովրդին հարցնենք, մնացածն ի՞նչ կապիկություն է․ Միրզոյանը՝ Դավթյանին. ՏԵՍԱՆՅՈՒԹ
18.11.2026 | 21:55
Աստղագիտության միջազգային բաց օլիմպիադայում ՀՀ թիմն արժանացել է 6 մեդալի
18.11.2026 | 21:44
Պայմանագրային զինծառայող է մահացել
18.11.2026 | 21:35
Իսրայելի խորհրդարանը նոր խոսնակ ունի․ նրան աջակցում են Նեթանյահուի հակառակորդները
18.11.2026 | 21:24
Կոտայքի մարզում վթարային ջրանջատում կլինի
18.11.2026 | 21:13
GTA VI-ը պաշտոնապես թողարկվել է
18.11.2026 | 21:00
Փաշինյանը ԵՄ-ին անդամակցելուց խոսեց՝ բարձրացնելով Պուտինի հետ սակարկության գինը․ Նարինե Մկրտչյան․ ՏԵՍԱՆՅՈՒԹ
18.11.2026 | 20:50
ՀՀ-ն 250 մլն եվրոյի նոր վարկ է վերցնում
18.11.2026 | 20:40
Էդուարդ Բաբայանը՝ «Գործարար»-ի ցուցակով․ ով ում հետ է բացառում կոալիցիան Աբովյանում
Բոլորը

Factor TV-ի հարցազրույցը քաղաքագետ Էմիլ Օրդուխանյանի հետ

–Վաղ առավոտյան ԱԱԾ-ից շոկային տեղեկատվություն ստացվեց. պետական դավաճանության մեջ կասկածվող 19 անձ է ձերբակալվել, նրանց մեջ կան նաև զինծառայողներ, որոնցից ոմանք խոստովանական ցուցմունք են տվել։ Ի՞նչ է տեղի ունեցել. ըստ ԱԱԾ-ի՝ սոցցանցերի միջոցով գումարի դիմաց ադրբեջանական հատուկ ծառայություններին են փոխանցել լուսանկարներ, զորամասերի տեղակայման վայրերի, անձնակազմի, զենք – զինամթերքի, զինտեխնիկայի քանակի ու տեսակի, զորամասերի հրամանատարական կազմի, պաշտպանական շրջանների, ինժեներական կառույցների, սարքերի և այլնի վերաբերյալ։ Ձեր գնահատականը ո՞րն է, ի՞նչ խորքային պատճառ կա թաքնված այս հանցագործության տակ:

-Սա խայտառակություն է. ստացվում է, որ այն մարդիկ, ովքեր պատասխանատու էին ազգային անվտանգության և պետական շահերի պաշտպանության համար, գործել են հենց այդ շահերի դեմ։ Սա խայտառակություն է այն պարզ պատճառով, որ հարց է առաջանում՝ իսկ ի՞նչ մեթոդներով են համալրվել մեր Զինված ուժերը, մեր բանակը, եթե կան մարդիկ, որոնք խոստովանում են, որ սոցցանցերի միջոցով շատ պրիմիտիվ հավաքագրման զոհ են դարձել և գումարի դիմաց փոխանցել են գաղտնի տեղեկատվություն։ Սա ցույց է տալիս, որ բանակը մասնավորապես այդ ժամանակահատվածում չի եղել այն բարձր մակարդակի վրա, որի մասին մշտապես հայտարարվել է, և մենք իմացել ենք, որ Հայաստանում, թերևս, ամենակայացած ինստիտուտը բանակն է։ Ստացվում է, որ, ցավոք սրտի, այդպես չի եղել, և այստեղ շատ բարդ հետևանքներ կարող են լինել։ Եկեք հասկանանք՝ ինչպես է համալրվում բանակը, ստացվում է, որ շատ հախուռն ձևով, ով չունի աշխատանք, դառնում է զինվորական, սա աբսուրդ է։ Զարգացած պետություններում բանակի համալրումը բազմաթիվ հոգեբանական թեստերի անցկացման միջոցով է իրականացվում, այսինքն՝ ամեն կադր չէ, որին կարելի է հավաքագրել պետության սահմանների պաշտպանության և ազգային անվտանգության ապահովման առաքելության համար։ Ցավոք սրտի բացահայտվեց, որ մենք այս դաշտում էլ խնդիրներ ունենք, և ստացվում է, որ պատերազի ելքը նաև նախապատրաստված է եղել այսպիսի մարդկանց գործունեության հետևանքով։

–Ինչպես հասկանալ՝ ի՞նչ վնաս են հասցնում այս մարդիկ պետության անվտանգությանը, և պատերազմի արդյունքի վրա ի՞նչ ազդեցություն են ունեցել այսպիսի դեպքերը:

-Այդպիսի մարդիկ պատրաստվել են և ամեն ինչ արել են Հայաստանի և Արցախի պարտության համար, որովհետև տեղակայման վայրեր հայտնելը և այլն, ուղիղ ապացույցն է այն բանի, որ Հայաստանի ու Արցախի դեմ պատերազմը սկսվել էր շատ ավելի վաղ և գործնականացավ 2020 թվականին, և այդ մարդիկ, լինելով Հայաստանում, մասնակցել են Հայաստանի և Արցախի դեմ պատերազմին։ Իհարկե կբացահայտվեն ու պատասխանատվության կենթարկվեն, բայց այդքանով խնդրի նկատմամբ ուշադրությունը չպետք է նվազի։ Մենք պետք է հասկանանք, որ համակարգային խնդիր ունենք՝ առհասարակ ուժային կառույցների համալրման հետ կապված, և կարծում եմ՝ պետք է մշակվեն հստակ մեխանիզմներ հավաքագրման կադրային քաղաքականության, և ամեն մեկը, ով գործազուրկ է, մեկ էլ չհայտնվի այդ պատասխանատու առաքելության դաշտում և վաճառի իր հայրենիքը, իր պետությունը, իր հարազատներին:

Հարցազրույցն ամբողջությամբ՝ տեսանյութում:

Ռոբերտ Անանյան