21.04.2026 | 11:33
Դատարանը ոչ իրավաչափ է ճանաչել Բաղրամյան պողոտայի հողամասի նկատմամբ սեփականության պետական գրանցումը
Ավտոմատը ժողովրդի վրա չէր ուղղված․ Անդրանիկ Քոչարյան. ՏԵՍԱՆՅՈՒԹ
Քաղաքականություն
10.02.2022 | 12:25
Աժ ճեպազրույցների ժամանակ «Քաղաքացիական պայմանագիր» խմբակցության պատգամավոր Անդրանիկ Քոչարյանն անդրադարձավ վարչապետ Նիկոլ Փաշինյանի այն հայտարարությանը, որ չնայած Հայաստանում իրադարձություններ են եղել, բայց ինքը երբեք ավտոմատով չի շրջել փողոցներում։ Այս համատեքստում սոցիալական ցանցերում հրապարակվել է տեսանյութը, որտեղ Փաշինյանի անվտանգության աշխատակիցը մեքենայից ավտոմատն ուղղել էր մարդկանց ուղղությամբ։
«Դուք տեսել եք ավտոմատի փողը, շատ բնական է։ Անվտանգության աշխատակիցները զինված են և իրենք ունեն հստակ գործառույթ։ Եվ ինքը կոնկրետ նշեց, թե ինչի համար է դա հնչեցնում։ Բոլորն էլ հասկացան, ինչի մասին է խոսքը։
Փողոցում ժողովուրդ էլ կա, մեքենա էլ կա, հանցագործ էլ կա, ինչ ասես կա։ Ավտոմատը պարզապես իր համար անհրաժեշտ վիճակում է գտնվում, եթե անհրաժեշտ լինի դա կիրառել։ Տա Աստված, որպեսզի այդ անհրաժեշտությունը չլինի։
Նիկոլ Փաշինյանն ընդամենն արձանագրել է, որ իրեն ժողովուրդը երբեք ավտոմատով չի տեսել, երբ որ Հայաստանի փողոցներում ժողովուրդն իր կամքն էր դրսևորում»,- նշեց Քոչարյանը։
Մանրամասները՝ տեսանյութում:
