09.08.2026 | 19:36
Խնձորեսկում զբոսաշրջիկներ տեղափոխող մեքենան դուրս է եկել ճանապարհից
Քաղաքապետարանում աշխատանքի ժամին «սթորի» են գցում․ ժամը 6-ից հետո կամ ընդմիջմանը գցեք․ Հրաչյա Սարգսյան. ՏԵՍԱՆՅՈՒԹ
Հասարակություն
08.02.2022 | 13:13
Երևանի ավագանու այսօրվա նիստում քաղաքապետ Հրաչյա Սարգսյանը վստահեցրեց, որ իր հսկողության տակ են քաղաքապետարանի իրավաբանական, գնումների, մարդկային ռեսուրսների կառավարման և այլ վարչությունները, որտեղ խնդիրներ կան:
«Այդ բոլոր տեղերում մենք պետք է գործառույթային վերլուծություն անենք, թե այդ վարչության աշխատողը ժամը 9-ին գալիս է, ժամը 6-ին գնում, ի՞նչ է անում, նստում է համակարգչի դիմաց ի՞նչ գործ է անում՝ կոֆե են խմում, բամբասում, այս սենյակից այն սենյակ է գնում, ասում է՝ բանը, էնի սենց ասեց, էնի նենց ասեց։ Տենց ինչ-որ տարբեր բաներ են կատարվում քաղաքապետարանում։ Այսինքն, այն մարդիկ, ովքեր ժամանակ ունեն բամբասելու, աշխատում են քաղաքապետարանում և դա նորմալ չէ, չեմ հանդուրժելու։ Ասենք՝ երեկ գործակարգավարական նիստ ենք անում, քաղաքապետարանում մարդիկ աշխատանքի ժամին «սթորի» էին գցում։
Հարկատուները մեզ փող չեն տալիս, որ աշխատանքի ժամին «սթորի» գցենք։ Կամ ժամը 6-ից հետո պետք է «սթորի» գցենք կա՛մ ժամը 1-2-ը, ընդմիջման ժամին»,- նշեց քաղաքապետը:
Մանրամասները՝ տեսանյութում:
