19.12.2025 | 14:28
Ֆինանսների նախարարության նախկին պաշտոնյան ԵՄ-ից շուրջ 972 միլիոն դրամ է հափշտակել
ԵՄ-ի հայաստանյան գրասենյակն անդրադարձել է գերիների վերադարձին
Քաղաքականություն
07.02.2022 | 16:04
ԵՄ-ի հայաստանյան գրասենյակը ֆեյսբուքյան պաշտոնական էջում լուսանկարներ է հրապարակել «Զվարթնոց» օդանավակայանից, որտեղ այսօր վայրէջք է կատարել հայ ռազմագերիներին տեղափոխող ինքնաթիռը։
Գրասենյակի էջում լուսանկարներն ուղեկցվում են հետևյալ գրառմամբ․ «Եվրոպական միության խորհրդի նախագահ Շառլ Միշելի և Ֆրանսիայի նախագահ Էմանուել Մակրոնի ակտիվ միջնորդությամբ այսօր՝ 2022 թվականի փետրվարի 7-ին, ևս ութ հայ զինծառայողներ ազատ են արձակվել և ապահով ժամանել են Երևան։ Լուսանկարները՝ Հայաստանում Ֆրանսիայի դեսպանության կողմից»։
Հիշեցնենք, Հայաստանում Եվրամիության պատվիրակության ղեկավար, դեսպան Անդրեա Վիկտորինն օրեր առաջ Factor.TV-ին տված հարցազրույցում, անդրադառնալով Ադրբեջանում մնացող հայ ռազմագերիների խնդրին, ասել էր․ « Դուք կարող եք վստահ լինել, որ Եվրամիությունը, և մենք դա ասել ենք տարբեր առիթներով, հետ չի կանգնի այս գործընթացից, որովհետև, այո՛, սա շատ կարևոր հարց է»։
