22.04.2026 | 23:30
ՀՀ տարածքում ավտոճանապարհները հիմնականում անցանելի են
2021-ին Հայաստան այցելել է մոտ 850 000 զբոսաշրջիկ․ Զբոսաշրջության պետական կոմիտեի նախագահ. ՏԵՍԱՆՅՈւԹ
Հասարակություն
04.02.2022 | 22:11
ՀՀ էկոնոմիկայի նախարարության զբոսաշրջության պետական կոմիտեի նախագահ Սիսիան Պողոսյանի փաստմամբ, 2021 թվականին Հայաստանում հյուրընկալվել են մոտ 850 000 զբոսաշրջիկներ։
«Հայաստան ամենաշատ զբոսաշրջիկներ այցելել են 2019 թվականին՝ 1 միլիոն 900 հազար։ Եվ հիմա աշխատում ենք, որ նույն ձևով ցուցանիշը բարձրանա և հույս ունենք, որ կավելանա»,-մեզ հետ զրույցում ասաց Սիսիան Պողոսյանը։
Ըստ նրա, այս պահին Հայաստանը մեծ հետաքրքություն է ներկայացնում Ռուսաստանի Դաշնության, Իրանի Իսլամական Հանրապետության և Գերմանիայի Դաշնության քաղաքացիների համար։
Մեր հարցին՝ արդյո՞ք պատերազմի պատճառով չի տուժել Հայաստանի Հանրապետության զբոսաշրջային ոլորտը, զբոսաշրջության պետական կոմիտեի նախագահն ասաց․ «Ավելի շուտ կորոնավիրուսն է ունեցել իր բացասական ազդեցությունը։ Պատերազմի պահով ասեմ՝ մենք գիտենք, որ Հայաստանը շատ ապահով երկիր է և նույնպես ասում ենք նրանց, որոնք հետաքրքրված են Հայաստան այցելելով։
Ասում ենք՝ Հայաստանը կա և մեշտ եղել է ապահով։ Կամաց-կամաց տեսնում ենք, որ զբոսաշրջիկների թիվը շատանում է, անցած տարի բավական շատ զբոոսաշրջիկ ենք ունեցել Հայաստանում։
2020 թվականին կորոնավիրուսի հետ կապված թվերը իջել էին, ինչպես ողջ աշխարհում։ Հետաքրքրությունը կա, ժողովուրդն ուզում է այցելել տարբեր երկրներ, նմանապես և Հայաստան»։
Արմիկ Մովսիսյան
