14.09.2026 | 12:10
Հայաստան գազամատակարարումը ժամանակավոր կդադարեցվի // Լռության րոպե ԱԺ-ում՝ 2022-ի զոհերի հիշատակին․ ԼՈՒՐԵՐ
Զախարովան Լաչինի միջանցքին այլընտրանքային ճանապարհի կառուցման մասին տեղեկատվություն դեռ չունի
Քաղաքականություն
04.02.2022 | 20:20
Ռուսաստանի ԱԳՆ-ի պաշտոնական ներկայացուցիչ Մարիա Զախարովան Լաչինի միջանցքին այլընտրանքային ճանապարհի կառուցման մասին տեղեկատվություն դեռ չունի:
«Արմենպրես»-ի հաղորդմամբ՝ Զախարովան այս մասին նա ասել է ճեպազրույցում՝ անդրադառնալով դիտարկմանը, որ ադրբեջանական լրատվամիջոցներում հայտնվել են կամրջի շինարարության լուսանկար, որը, ըստ հրապարակումների, դառնալու է Լաչինի միջանցքին որպես այլընտրանքային ճանապարհի հատված: Զախարովայից հետաքրքրվեցին՝ արդյոք իրականությանը համապատասխանում են պնդումները, թե շինարարությունը նախաձեռնել է ռուսական կողմը:
«Այս պահին այդ հարցի վերաբերյալ ես տեղեկատվություն չունեմ: Ես տեսել եմ հաղորդագրությունը, մենք այդ թեման հսկողության տակ ենք պահելու: Երբ կլինեն տվյալներ, ես դրանցով կկիսվեմ: Բայց, այս պահին դրանք չկան»,-ասել է Զախարովան:
2020 թվականի նոյեմբերի 9-ի եռակողմ հայտարարությամբ ֆիքսվել էր, որ կողմերի համաձայնությամբ առաջիկա երեք տարիների ընթացքում պետք է որոշվի Լաչինի միջանցքի երկայնքով նոր երթուղու կառուցման նախագիծ, որը կապահովի կապը Լեռնային Ղարաբաղի և Հայաստանի միջև, հետագայում այդ երթուղին պաշտպանելու համար ռուսական խաղաղապահ զորախմբը կտեղափոխվի այնտեղ:
