20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Հայ ժողովուրդը պետք է որոշի՝ իր արժանապատվության բաժակը երբ պիտի լցվի. Րաֆֆի Հովհաննիսյան. ՏԵՍԱՆՅՈՒԹ
Քաղաքականություն
04.02.2022 | 13:02
«Մեր ամբողջ գիտակցական կյանքի պայքարը եղել է նրա համար, որ Արցախը գտնի իր ազատությունը, իր իրավունքի իրացումը: Դա մեր ամբողջ հայ ազգի ինքնութան պայքարն է եղել»,- այսօր կայացած ասուլիսի ժամանակ ասաց անկախ Հայաստանի առաջին արտգործնախարար Րաֆֆի Հովհաննիսյանը՝ անդրադառնալով լրագրողի այն դիտարկմանը, թե վերջին շրջանում վարչապետի և իշխանական պատգամավորների շուրթերից հնչում է, որ չի կարելի խոսել Արցախի կարգավիճակի մասին՝ Ադրբեջանի կազմից դուրս:
«Որևէ մեկը իրավունք չունի այդ ճանապարհը, պայքարը հարցականի տակ դնել, ես էլ թույլ չեմ տա, որ դա անի:
Հայ ժողովուրդը պետք է որոշի՝ իր արժանապատվության բաժակը երբ պիտի լցվի: Ոտքի կանգնելու յուրաքանչյուր ցիկլ յուրովի է սահմանվում:
Բայց այդպես ասելը, թե չի կարելի, հակասում է հենց նույն ասողների թեկուզ երկու տարի առաջ ասածներին: Դա ինքնահակասում է… Արցախը հայկական է, դա է ճշմարտությունը:
«Մեր պայքարը դա է եղել ու հիմա դա պետք է շարունակել։ Այսօր մեր անվտանգությունը փխրուն է, այս անցումներն էլ լինելու են վտանգավոր։ Ես շատ լավ գիտեմ, որ ճնշումները շատ են, սակայն ոչ ոք, ոչ մի մարդ էակ իրավունք չունի նման բան ասելու։ Նման բան ասելու համար որևէ արդարացում չկա»,- հավելեց Հովհաննիսյանը:
Մանրամասները՝ տեսանյութում:
