20.04.2026 | 23:38
Ովքեր են «Հանրապետություն» կուսակցության ցուցակում․ հրապարակվել են առաջին 30 անունները
Գերիներին չվերադարձնելով՝ Ադրբեջանը պատերազմական նոր հանցանք է կատարում. Արման Թաթոյան. ՏԵՍԱՆՅՈՒԹ
Քաղաքականություն
04.02.2022 | 12:21
Ադրբեջանը հայ գերիներին պահում է առանց որևէ հիմքի՝ բացառապես քաղաքական և ռազմական դիվիդենտներ ձեռք բերելու նպատակով։ Այս մասին այսօր արտահերթ զեկույց ներկայացնելու ժամանակ նշեց ՀՀ մարդու իրավունքների պաշտպան Արման Թաթոյանը։
Օմբուդսմենն ընդգծեց, որ գերեվարված հայերը Ադրբեջանում կյանքի սպառնալիքի տակ իրենց իրավունքների լուրջ ոտնահարման են բախվում։
«Ակնհայտ է, որ խոսքը մարդկանց առևտրի մասին է՝ քաղաքական հաշվարկներից ելնելով: Դա անընդունելի է և մարդու իրավունքների կոպիտ խախտում է։ Պետք է աշխարհին ցույց տանք, որ իրականում գործ ունենք պատերազմական նոր հանցագործությունների հետ։ Ադրբեջանում գերիների հետ կապված դատավարությունները ոչ այլ ինչ են, քան շղարշ, իրենց արդարացնելու փորձ, թե ինչու են ձգձգում»- հայտարարեց Թաթոյանը:
«Գերիներին պահելը, չվերադարձնելը ևս ակնհայտ ցույց է տալիս, թե ինչ «ազնիվ ու խաղաղասիրական» մղումներ ունի Ադրբեջանը: Ադրբեջանական իշխանությունները ոչ միայն չեն վերադարձնում գերիներին, այլև մեծացնում են ժողովուրդների միջև թշնամությունը»,- նշեց ՄԻՊ-ը:
Մանրամասները՝ տեսանյութում:
