18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Որ երկրներն են ՀՀ-ի անվտանգային սպառնալիք, որոնք՝ գործընկեր. IRI-ի հարցման արդյունքները՝ ամփոփ․ ՏԵՍԱՆՅՈՒԹ
Քաղաքականություն
03.02.2022 | 15:15
Հայաստանում տարածքային և սահմանային խնդիրներն ազգային գլխավոր մտահոգությունն են․ այս մասին են վկայում Միջազգային հանրապետական ինստիտուտի՝ IRI-ի կողմից Հայաստանում անցկացված նոր հարցման արդյունքները։
Հարցման մասնակիցների միայն 34%-ն է կարծում, որ ՀՀ-ն ճիշտ ուղով է շարժվում։ Այս ցուցանիշը, 2021 թվականի հուլիսին իրականացված հարցման տվյալների համեմատ, նվազել է 7%-ով։
Հարցվածների 28%-ի կարծիքով՝ ՀՀ հիմնական խնդիրը սահմանային իրավիճակն է, ըստ 15%-ի՝ երկրի ազգային անվտանգությունը։ Ըստ հարցվածների 39%-ի՝ իրենք կարող են ազդել երկրում ընդունվող որոշումների վրա, 40%-ը դժգոհ է երկրում ժողովրդավարության զարգացման տեմպից, ըստ 61%-ի՝ երկիրը ղեկավարվում է ի շահ ինչ-որ խմբերի։
Հարցվածների 68%-ը գոհ է Մարդու իրավունքների պաշտպանի գրասենյակի աշխատանքից։ Ոստիկանության աշխատանքը ևս բավարարում է հարցվածների 68%-ին, վարչապետի գրասենյակի աշխատանքից գոհ է հարցման մասնակիցների 49%-ը, դժգոհ՝ 48%-ը։ Ազգային ժողովի աշխատանքից գոհ է 31%-ը, դժգոհ՝ հարցման մասնակիցների շուրջ 67%-ը։
Հարցվածների 92%-ը գոհունակություն է հայտնել Ֆրանսիայի հետ հարաբերություններից, 80%-ին գոհացրել է Իրանի հետ հարաբերությունները, 77%-ին՝ ԱՄՆ-ի, 75%-ին՝ Չինաստանի, 69%-ին՝ ԵՄ-ի, իսկ 64%-ին՝ ՌԴ-ի հետ հարաբերությունները։
Հարցման մասնակիցների ճնշող մեծամասնությունը որպես քաղաքական, տնտեսական և անվտանգային սպառնալիք է դիտարկում նախ Թուրքիան՝ 90%-ը, հետո Ադրբեջանը՝ 77%-ը: Հարցվածների 35%-ի կարծիքով՝ Թուրքիայի հետ ճանապարհների վերաբացումը կունենա դրական ազդեցություն ՀՀ տնտեսության վրա, իսկ 53%-ը չի կիսում այս կարծիքը։
Հարցվածների 59%-ը բացասական է գնահատել նաև Ադրբեջանի հետ սահմանների բացումը ՀՀ տնտեսության վրա, ըստ 53%-ի՝ բացասաբար կանդրադառնա նաև Թուրքիայի հետ սահմանների բացումը։ Ըստ հարցվածների մեծամասնության՝ ՀՀ-ն պետք է սահմանագծման ու սահմանազատման աշխատանքներ սկսի միայն ԼՂ հակամարտության կարգավորումից հետո։ Քաղաքացիների շուրջ 96%-ը վստահ է՝ ԼՂ հակամարտության կարգավորումը կարևոր է Հայաստանի ապագայի համար: Որպես հիմնախնդրի կարգավորման ընդունելի տարբերակ՝ մեծ մասը դիտարկում է ԼՂ անկախությունը կամ Հայաստանի հետ միավորումը:
Մանրամասները՝ տեսանյութում։
Ռոզա Վարդանյան
