08.06.2026 | 17:40
Եթե Ծառուկյանը լավ մտածի՝ պիտի մատաղ անի, որ ԱԺ չանցնի․ ՔՊ-ին օդ ու ջրի պես պետք են նրա մանդատները ․ Նորայր Նորիկյան․ ՏԵՍԱՆՅՈՒԹ
Թուրքիայի ՊՆ ղեկավարը հայտարարել է, որ Էրդողանն ու Ալիևը խաղաղության ձեռք են մեկնել Հայաստանին
Քաղաքականություն
02.02.2022 | 13:38
Թուրքիայի պաշտպանության նախարար Հուլուսի Աքարը Ադրբեջանի ՊՆ ղեկավար Զաքիր Հասանովի հետ համատեղ ասուլիսում կրկին հայտարարել է Հայաստանին խաղաղություն առաջարկելու մասին։ Նա ասել է, թե Թուրքիայի և Ադրբեջանի նախագահները ձեռք են մեկնել և խաղաղություն են առաջարկում Հայաստանին։
«Մենք սպասում ենք, որ մեր առաջարկը ընդունվի։ Մենք ջանքեր ենք գործադրում, որ դրա հաշվին խաղաղություն ու կայունություն հաստատվի ոչ միայն Ադրբեջանի և Հայաստանի կամ Թուրքիայի և Հայաստանի միջև, այլև ամբողջ Կովկասում»,- ասել է Աքարը։
Հավելենք, որ Ադրբեջանի պաշտպանության նախարար Զաքիր Հասանովը Թուրքիա կատարած պաշտոնական այցի շրջանակում նախօրեին հանդիպել է Թուրքիայի նախագահ Ռեջեփ Թայիփ Էրդողանին, ինչպես նաև պաշտպանության նախարար Հուլուսի Աքարին։
Էմմա Չոբանյան
