19.12.2025 | 13:13
ՄԱԿ-ի Գլխավոր վեհաժողովը թարմացրել է Ուկրաինայում ՌԴ-ի իրականացրած խախտումների վերաբերյալ բանաձևը. ինչպես է քվեարկել ՀՀ-ն
Ադրբեջանի պետական նավթային հիմնադրամը Թուրքիայի ԿԲ-ում 1 միլիարդ եվրոյի ավանդ է ներդրել
Քաղաքականություն
28.01.2022 | 20:16
Ադրբեջանի պետական նավթային հիմնադրամը Թուրքիայի Կենտրոնական բանկում 1 մլրդ եվրոյի ավանդ է նեդրել, գրում են ադրբեջական լրատվամիջոցները։ Միջոցները ներդրվել են 6 ամիս ժամկետով։
«Այդ ներդրումը դրական ազդեցություն կունենա Թուրքիայում ֆինանսական կայունության վրա և ամբողջովին համապատասխանում է հիմնադրամի նեդրումային ռազմավարությանը։ Գործարքն ավարտվել է 2022թ․ հունվարի 27-ին»,-ասվում է տարածված հայտարարության մեջ։
2022 թվականի հունվարի 1-ի դրությամբ՝ Ադրբեջանի պետական նավթային հիմնադրամի ակտիվները գնահատվել են 45 մլրդ 25․1 մլն դոլար։
Ադրբեջանի նավթային հիմնադրամը եկամուտ է կուտակում նավթագազային պայմանագրերի կատարումից, մասնավորապես, պետության նավթի և գազի շահութաբեր վաճառքից, երկրի տարածքով նավթի և գազի փոխադրման տարանցիկ սակագներից, պետական գույքի վարձակալությունից և այլն։
Հիշեցնենք՝ ավելի վաղ Middle East Eye-ը հայտնել էր, որ Թուրքիան Ադրբեջանի հետ 1 մլրդ եվրոյի արժույթի փոխանակման սվոփ համաձայնագիր է ստորագրելու։
Էմմա Չոբանյան
