Թուրքական դրոշով խաղալի՞ք․ «Երևան սիթի»-ի տնօրենը հերքում է

Լուրեր

03.04.2025 | 16:24
Հատուկ ուղերձ Թուրքիայի համար․ Իսրայելն ավիահարվածներ է հասցրել Սիրիային, Համայի ռազմական օդանավակայանը գրեթե ավերվել է
03.04.2025 | 16:16
Բանկերն ասում են` ֆինանսական գրագիտություն պետք է ունենանք, մեզ` «անգրագետներիս» էլ պետք է պաշտպանեն․ ՏԵՍԱՆՅՈՒԹ
03.04.2025 | 16:05
Օդի ջերմաստիճանն էապես չի փոխվի
03.04.2025 | 15:54
Ռուբիոն հայտարարել է, որ ԱՄՆ-ը մնում է ՆԱՏՕ-ում
03.04.2025 | 15:45
Բանկում մեկ անձնագիրդ են նայում, մեկ՝ քեզ, օնլայն վարկի դեպքում ինչո՞ւ անձը հաստատող քայլ չեն անում․ ՏԵՍԱՆՅՈՒԹ
03.04.2025 | 15:37
Արմեն Մելիքբեկյանը՝ ՈՒԵՖԱ-ի Գործադիր կոմիտեի անդամ
03.04.2025 | 15:26
Ֆրանսիայի և Թուրքիայի ԱԳ նախարարներն ընդգծել են՝ ՀՀ-ի և Ադրբեջանի հարաբերությունները պետք է կարգավորվեն երկրների տարածքային ամբողջականության ու ինքնիշխանության հարգմամբ
03.04.2025 | 15:18
Վիետնամի խորհրդարանականներն այցելել են Ծիծեռնակաբերդի հուշահամալիր
03.04.2025 | 15:10
ԱԶԲ-ի փորձագետների ներգրավմամբ մշակվել է Սնանկության օրենսգրքի նախագիծը
03.04.2025 | 15:07
Ցմահ դատապարտյալները վնասել են խցերի գույքը, այրել ներքնակները․ ՔԿԾ-ն պարզաբանում է տարածել
03.04.2025 | 15:00
Զինծառայությունից խուսափելու համար պատիժները կխստացվեն, Միրզոյանն ու Լավրովը ուղերձներ են փոխանակել․ ԼՈՒՐԵՐ
03.04.2025 | 14:56
Փաշինյանը #հատիկառհատիկ հեշթեգով հերթական գրառումն է կատարել
03.04.2025 | 14:52
Նեթանյահուի այցի ֆոնին՝ Հունգարիան հայտնել է Միջազգային քրեական դատարանից դուրս գալու մասին
03.04.2025 | 14:43
Արմեն Ղազարյանն ընդունել է ՄԱԿ-ի փախստականների հարցերով գերագույն հանձնակատարի գլխավորած պատվիրակությանը
03.04.2025 | 14:34
Բաքվում Արցախի ղեկավարների շինծու գործերով նիստում հարցաքննվել է Դավիթ Իշխանյանը
Բոլորը

Այսօր «Մեդիալաբ» կայքում լուսանկար էր հրապարակվել, որտեղ, ըստ հրապարակման հեղինակի, Կոմիտաս փողոցում գտնվող «Երևան սիթի» սուպերմարկետում վաճառվում են խաղալիքներ, որոնցից մեկը թուրքական դրոշով զինվոր է։

Factor.am-ն այցելեց սուպերմարմարկետ՝ պարզելու խնդրի էությունը։  Պարզեցինք, որ  խաղալիքների հավաքածուներից մի քանիսում բացակայում էին դրոշները, իսկ դրանց տոպրակները մի փոքր պատռված էին։ Մյուս երկու հավաքածուի մեջ դրոշների վրա առկա պատկերները նկատելիորեն պոկված էին, մեկ այլ տոպրակի մեջ էլ տարբեր երկրների դրոշներ էին։

«Երևան սիթի» սուպերմարկետի Կոմիտասի մասնաճյուղի տնօրեն Ստեփան Սարգսյանը Factor.am-ի հետ զրույցում հերքեց տեղեկությունը, թե իրենց խանութում նման խաղալիք է ցուցադրված եղել․

«Մենք էդ նկարը տեսել ենք մի ամիսուկես առաջ, նկարի հետքերով գնացել ենք, մեր մոտ չենք հայտնաբերել, չենք հասկացել՝ որ խանութում ա։ Բայց ոնց հասկացա՝ պատերազմական խաղալիք ա, դա կարա լինի նաև պարտվողի, նվաստացողի դերում, պարտադիր չի, որ էդ դրոշով խաղալիքով երեխեքը խաղան ու հպարտանան»,- կարծիք հայտնեց տնօրենը։

Հավելենք, որ «Մեդիալաբի» անձնակազմն անձամբ էր ականատես եղել և լուսանկարել այդ խաղալիքները: Ինչպես երևում է կցված լուսանկարներից, լուսանկարներն արվել են հունվարի 27-ին Կոմիտասի «Երևան սիթի» սուպերմարկետում: 

Չնայած սրան, «Երևան սիթի» սուպերմարկետների ցանցի խաղալիքների բաժնի կատեգորիայի մենեջեր Գագիկ Մելքոնյանը Medialab.am-ի հետ զրույցում փորձում էր համոզել, որ նման բան անհնար է: Նա նշում էր, թե բացառվում է, որ իրենց մասնաճյուղերից ցանկացած մեկում հնարավոր լիներ նման խաղալիք տեսնել։

Մելքոնյանը նշում էր, որ խնդիրը նոր չէ, տարիներ առաջ են բախվել սրան, որից հետո չափազանց զգույշ են նմանօրինակ խաղալիքների նկատմամբ, ուստիև բացառում է, որ մեր տեսախցիկը նման նկար կարող էր ֆիքսել։

«Մեր խաղալիքները ներմուծում ենք Չինաստանից, այդ խաղալիքների մեջ կան բոլոր երկրների դրոշները, այդ խնդիրը շատ վաղուց կա, և մենք շատ լավ հաշվի առնելով բոլոր հանգամանքները՝ խաղալիքների այդ տուփերից հանում ենք Թուրքիայի դրոշը, նոր միայն առաքում խանութներ։ Իսկ այսօրվա միջադեպի մասով ասեմ, որ ես անձամբ եմ խոսել Կոմիտասի մեր աշխատակիցների հետ, ու ընդհանրապես այդ դրոշով ապրանք չի եղել խանութում, չգիտեմ՝ ձեր տեսախցիկը որտեղ է նման բան տեսել»,- ասել է Գագիկ Մելքոնյանը։

«Ուրիշ երկրների դրոշները չենք հանում, հանում ենք միայն Թուրքիայի դրոշը զինվորական այդ խաղալիքների տուփերից, նոր պահեստներից տեղափոխում ենք խանութներ։ Վերջին երկու տարին մանավանդ շատ ուշադիր ենք, որ հանկարծ թուրքական դրոշով խաղալիքներ չհայտնվեն վաճառքում»,- ասում է «Երևան սիթի» սուպերմարկետների ցանցի խաղալիքների բաժնի կատեգորիայի մենեջերն ու բացառում, որ վերջին երկու տարում իրենց խանութներում այդ կատեգորիայի խաղալիքների մեջ թուրքական դրոշ լինի։

Ռոզա Վարդանյան

Գլխավոր լուսանկարը՝ Մեդիալաբի