19.12.2025 | 18:00
Թող դատի՛ տան, եթե ԿԳԲ-ի ագենտ լինելու մեղադրանքը զրպարտանք է, կտեսնեն՝ դատարանում ինչ կկատարվի․ ՏԵՍԱՆՅՈՒԹ
Հետ քայլ չկա․ Էրդողանը խոսել է ռուսական C-400 համակարգերի ձեռքբերումից
Քաղաքականություն
27.01.2022 | 16:49
Թուրքիայի նախագահ Ռեջեփ Թայիփ Էրդողանը նախօրեին լրագրողների հետ զրույցում անդրադարձել է ռուսական C-400 համակարգերի ձեռքբերման հարցին։ Թուրքական լրատվամիջոցների հաղորդմամբ՝ նա հայտարարել է, որ գործընթացը շարունակվում է։
«C-400-ների հետ կապված գործընթացը շարունակվում է, hետ քայլ չկա: Մեզանից բացի ուրիշ ոչ ոք չի որոշի, թե ումից ինչ ենք ստանալու, մենք կորոշենք։ Պաշտպանությունում մենք պետք է իմանանք, ինչ ենք անելու հարձակվելիս։ Ոչ ոք մեզ չի հարցնում իր երկրի պաշտպանական համակարգը կառուցելիս։ Մենք էլ ոչ մեկին չենք հարցնի»,-ասել է Էրդողանը։
Թուրքիայի նախագահը նաև հայտնել է, որ ԱՄՆ-ի հետ F-35 կործանիչների շուրջ բանակցությունները ընթանում են դրական ուղղությամբ։ Պաշտպանության նախարարների բանակցությունները շարունակվում են F-16-ների պահպանման և նոր F-16-ների գնման շուրջ։
Հիշեցնենք, որ Թուրքիայի կողմից ռուսական С-400 համակարգերի գնումից հետո ԱՄՆ-ն պատժամիջոցներ է սահմանել թուրքական ռազմարդյունաբերական համալիրի մի շարք պաշտոնյաների նկատմամբ։ Բացի այդ, Վաշինգտոնը Անկարային հեռացրել է F-35 հինգերորդ սերնդի կործանիչների ծրագրից։
Էմմա Չոբանյան
