14.05.2026 | 23:29
Թուրքիայի և Վրաստանի քաղաքացիները 2025 թվականին ԵՄ-ից արտաքսումների թվով առաջին ու երկրորդ տեղերում են
Թուրքիայում կանխատեսում են, որ գնաճն առաջիկա ամիսներին կհասնի 40 տոկոսի
Քաղաքականություն
24.01.2022 | 18:15
Թուրքիայում կանխատեսում են, որ սպառողական գների աճի մակարդակն առաջիկա ամիսներին կհասնի մոտ 40 տոկոսի։ Այս մասին տնտեսագետներին ասել է երկրի ֆինանսների նախարար Նուրեդդին Նեբաթին, գրում է «Ահվալ» գործակալությունը։
Մասնավորապես, Ստամբուլում շաբաթ կայացած հանդիպմանը, ըստ Bloomberg գործակալության, Նեբաթին ասել է, որ այս տարի գնաճը չի գերազանցի 50 տոկոսը։ Գործակալությունն այս մասին հայտնում է՝ վկայակոչելով հանդիպմանը ներկա անանուն աղբյուրներին։
Դեկտեմբերին Թուրքիայում գների գնաճն արագացել էր՝ հասնելով 36․1 տոկոսի, ինչն ամենաբարձր մակարդակն է 2002 թվականից ի վեր՝ դոլարի նկատմամբ լիրայի արժեզրկման հետևանքով։
Նեբաթին ասել է, որ տնտեսագետները չպետք է սպասեն, որ 14 տոկոսից տոկոսադրույքը կավելանա, և դա կառավարության պատասխանատվության տակ է։ Նախարարը նաև նշել է, որ ԱՄՆ Դաշնային պահուստային համակարգի դրամավարկային քաղաքականության խստացման ծրագրերը չեն ազդի Թուրքիայի վրա։
Հավելենք, որ Թուրքիայի պետական վիճակագրական ծառայությունը հունվար ամսվա գնաճի տվյալները հրապարակելու է փետրվարի 3-ին։
Էմմա Չոբանյան
