Քաղաքականություն
24.01.2022 | 11:27ԱԺ-ում Մարդու իրավունքների պաշտպանի պաշտոնում առաջադրված Քրիստիննե Գրիգորյանի հարցի քննարկման ժամանակ «Հայաստան» խմբակցության պատգամավոր Արեգնազ Մանուկյանն անդրադարձավ պաշտպանության նախարար Սուրեն Պապիկյանի հարսանյաց արարողությանը:
Պատգամավորը միացրեց ձայնագրություն, որտեղ Պապիկյանը, անդրադառնալով կորոնավիրուսային համավարակին, նշել էր, թե խնդիր են շարունակում մնալ հավաքույթները և, մասնավորապես, հարսանյաց հանդեսները: «Յուրաքանչյուրիս գործողությամբ կարող են փրկվել կյանքեր և անգործությամբ կարող են արձանագրվել մահեր: Մեզ պետք է հանրային բարձր գիտակցություն», – նշել էր Պապիկյանը:
«Սա ասում է մի մարդ, որի քաղաքական թիմի ու առաջնորդի չկշռադատված, խայտառակ հակասական ու քաոտիկ գործողությունների հետևանքով մեր երկրի գլխին պատերազմ բերեց։ Այդ ամենի պատճառով հազարավոր տղաներ դրվեցին հողի տակ, զգալի մասն էլ զրկվեց հարսանիք ունենալու հնարավորությունից։ Նրանց մեծ մասն անգամ չէր էլ հասցրել սիրահարվել և զգալ կյանքի քաղցրությունը»,- ասաց պատգամավորը:
«Դեռ երեք տարի առաջ Պապիկյանը կերազեր «նման օլիգարխիկ հաճույքներին համարժեք հարսանյաց հանդես անել»,- նշեց Մանուկյանը:
Պատգամավորներն սկսեցին արձագանքել տեղից: ԱԺ նախագահ Ալեն Սիմոնյանը հորդորեց լռություն պահպանել դահլիճում և զգուշացրեց. «Դահլիճից դուրս կհանեմ, եթե ձայն եղավ»:
«Իմ հիշատակած անձնավորությունը, իր քաղաքական թիմի անդամներն ու իրենց հրահանգավորող ղեկավարը շաբաթ օրը մասնացել են հարսանիքի, հարսանիք, որն իր ճոխությամբ չէր զիջում նախկին իշխանությունների ժամանակ պաշտոնյաների կողմից կազմակերպվող նմանօրինակ միջոցառումներին: Հարսանիք, որն արվում էր նույն ժամանակ, երբ Ադրբեջանը մտել է ինքնիշխան տարածք ու ամիսներով դուրս չի գալիս»,- նշեց Մանուկյանը՝ հավելելով՝ հետաքրքիր էր, թե այդ միջոցառման ժամանակ ներկաներից քանիսից են պահանջել պատվաստումը հավաստող տեղեկանք:
Մանրամասները՝ տեսանյութում:
