09.06.2026 | 00:17
Մարկո Ռուբիոն շնորհավորել է Փաշինյանին
Վճռաբեկ դատարանում նոր պալատ կստեղծվի․ փոխնախարարը ներկայացրեց նախագիծը. ՏԵՍԱՆՅՈՒԹ
Քաղաքականություն
17.01.2022 | 17:33
Ազգային ժողովում «ՀՀ դատական օրենսգիրք» սահմանադրական օրենքում և հարակից օրենքներում փոփոխություններ և լրացումներ կատարելու մասին» օրենսդրական փաթեթը ներկայացրեց ՀՀ արդարադատության նախարարի տեղակալ Երանուհի Թումանյանցը:
«Առաջարկվում է հիմնականում երկու բարեփոխում, առաջինը՝ Վճռաբեկ դատարանում կստեղծվի նոր պալատ, ինչի արդյունքում քաղաքացիական և վարչական միասնական պալատի փոխարեն կգործեն երկու առանձին պալատներ:
Եվ երկրորդ՝ դատավորների թեկնածուների՝ առաջխաղացման ենթակա թեկնածուների ցուցակների համալրման նոր, ճկուն մեխնիզմներ կներդրվեն»:
«Նկատի ունենալով, որ վարչական պալատի առանձնացումը կապահովի վարչական գործերի առավել մասնագիտացված քննություն, որպես հետևանք նաև վարչական արդարադատության իրականացման առավել բարձր արդյունավետություն կունենանք, առաջարկել ենք իրականացնել այս առանձնացումը և ստեղծել երկու պալատ՝ քաղաքացիական և վարչական պալատներ՝ առանձին», – ասաց փոխնախարարը։
Ըստ նախագծի՝ քաղաքացիական պալատը կգործի 7 դատավորի թվակազմով, վարչական պալատը՝ 5 դատավորի թվակազմով:
Մանրամասները՝ տեսանյութում:
