30.03.2026 | 20:13
Մինչև 8 տարի ազատազարկում․ ինչ պատիժ է սահմանում ՀՀ օրենքը ընտրակաշառք տալու կամ ստանալու համար
Սկզբնական 2,5 տարին համայնքը ես եմ կառավարելու, հաջորդ 2,5 տարին՝ ՔՊ-ի թեկնածուն. Փարաքարի ղեկավար
Քաղաքականություն
09.01.2022 | 18:42
Այսօր 11 ձայնով Փարաքար խոշորացված համայնքի ղեկավար ընտրված Դավիթ Մինասյանը լիազորությունները կստանձնի հունվարի 12-ին։ ««Քաղաքացիական պայմանագիր» կուսակցության հետ մենք հանդես եկանք, որ սկզբնական 2.5 տարին համայնքը ես եմ կառավարելու, հաջորդ 2.5 տարին կառավարելու է «Քաղաքացիական պայմանագրի» 1-ին համարով ներկայացված թեկնածուն»,-լրագրողների հետ զրույցում ասաց Փարաքար խոշորացված համայնքի ղեկավար Դավիթ Մինասյանը:
Ի՞նչն էր խնդիրը, որ համաձայնության չեկան «Ապրելու երկիր» կուսակցության հետ՝ Մինասյանը չցանկացավ մանրամասնել։
Նա հավելեց, որ տարբերություն չի դնելու իրեն և մյուս թեկնածուներին ընտրած քաղաքացիների միջև և աշխատելու է ի շահ համայնքի:
Հիշեցնենք. այսօր Փարաքարում համայնքապետ ընտրվեց Դավիթ Մինասյանը, որին կողմ քվեարկեցին համանուն դաշինքի և ՔՊ-ի ավագանիները։ Իսկ «Ապրելու երկիր» խմբակցության անդամները վայր դրեցին մանդատները:
Մերի Մարտիրոսյան
