16.09.2026 | 20:43
Իհարկե պատրաստվում եմ առաջիկա ընտրություններին. Տիգրան Ավինյան. ՏԵՍԱՆՅՈՒԹ
Փարաքար համայնքի ղեկավար ընտրվեց Դավիթ Մինասյանը
Քաղաքականություն
09.01.2022 | 12:56
Փարաքար խոշորացված համայնքում այսօր շարունակվում էր 2 օր առաջ ընդհատված նիստը։ Այսօրվա նիստում ավագանու անդամները քվեարկեցին և 11 ձայնով «Դավիթ Մինասյան» դաշինքի թեկնածու Դավիթ Մինասյանին ընտրեցին որպես համայնքի ղեկավար։
Մինչ այդ «Ապրելու երկիր» կուսակցությունից ընտրված ավագանու անդամները հայտնեցին,որ վայր են դնում իրենց մանդատները և լքեցին նիստերի դահլիճը։
Դավիթ Մինասյանի համայնքապետ ընտրվելուց հետո, համանուն դաշինքի ներկայացուցիչը հայտնեց, որ իրենք համագործակցելու են «Քաղաքացիական պայմանագիր» կուսակցության հետ և համայնքի կառավարումը միասին են իրականացնելու։
Հիշեցնենք, որ դեկտեմբերի 5-ի ՏԻՄ ընտրություններից հետո Փարաքարում աննախադեպ իրավիճակ էր ստեղծվել. երկու թեկնածու՝ Դավիթ Մինասյանը և «Ապրելու երկիր»-ից Վալոդյա Գրիգորյանը միաժամանակ հայտարարում էին, թե իրենք են հաղթել։ 2 շաբաթ առաջ անգամ կազմակերպվել էր Վալոդյա Գրիգորյանի երդմնակալության արարողությունը, սակայն Մինասյանը ՔՊ-ի ավագանու անդամների հետ վիճարկել էր համայնքապետարանում Գրիգորյանի կազմակերպած ընտրության արդյունքը դատարանում։ Վարչական դատարանը բավարարել էր բողոքը։
Մերի Մարտիրոսյան
