14.09.2026 | 10:46
Օմանը հետաձգել է Հորմուզի նեղուցի շուրջ Իրանի և տարածաշրջանի երկրների հետ բանակցությունները
Լավրովն ու Չավուշօղլուն պայմանավորվել են «3+3» ձևաչափով նոր հանդիպում կազմակերպել
Քաղաքականություն
06.01.2022 | 17:18
Հունվարի 6-ին, թուրքական կողմի նախաձեռնությամբ, կայացել է Ռուսաստանի արտգործնախարար Սերգեյ Լավրովի և Թուրքիայի ԱԳ նախարար Մևլութ Չավուշօղլուի հեռախոսազրույցը: Այս մասին տեղեկացնում է ՌԴ ԱԳՆ մամուլի ծառայությունը։
Հաղորդվում է, որ կողմերը պայմանավորվել են «3+3» ձևաչափով նոր հանդիպում կազմակերպել։
Լավրովն ու Չավուշօղլուն դրական են գնահատել 2021թ. դեկտեմբերի 10-ին Մոսկվայում կայացած «3+3» ձևաչափով առաջին հանդիպումը, որն ուղղված էր Անդրկովկասում իրավիճակի կարգավորման ու համագործակցության զարգացմանը։
«Պայմանավորվածություն է ձեռք բերվել առաջիկայում նույն կազմով հաջորդ հանդիպումը կազմակերպել։ Սերգեյ Լավրովն աջակցություն է հայտնել Թուրքիայի և Հայաստանի միջև հարաբերությունների կարգավորմանն ուղղված ջանքերին»,- նշված է հայտարարության մեջ։
