03.07.2026 | 05:09
ԱԱ-2026. Պորտուգալիան հաղթանակ կորզեց ու կխաղա Իսպանիայի հետ. ՏԵՍԱՆՅՈՒԹ
Երևանի պետական համալսարանի ուսանողները դասադուլ են անում. նրանց են միացել դասախոսներ (թարմացված)
Հասարակություն
13.04.2018 | 11:02
11:40
ԵՊՀ-ի ուսանողների դասադուլին միացել են մի շարք դասախոսներ, այս մասին Factor.am-ին ասաց ԵՊՀ դասադուլավոր Վահան Կոստանյանը։ Նա նշեց, որ այս պահին պատրաստվում են ԵՊՀ-ի տարածքից դուրս գալ և ավտոբուսներով գնալ Հյուսիսային ավտոկայան, որտեղ կմիանան «Քաղաքացիական պայմանագիր» կուսակցության քայլարշավին։
Նշենք, որ քայլարշավի 14-րդ օրն է արդեն ու «Իմ քայլը» նախաձեռնության անդամների և նրանց միացողների վերջին կանգառն այսօր կլինի Ազատության հրապարակը։ Վահան Կոստանյանը նաև տեղեկացրեց, որ ԵՊՀ-ի գիտխորհրդի դահլիճի ցուցանակի վրա սիմվոլիկ թռուցիկ են փակցրել․ «Այդ դահլիճում տեղի են ունենում Հոգաբարձուների խորհրդի նիստերը, իսկ Հոգաբարձուների խորհրդի նախագահը Սերժ Սարգսյանն է, սիմվոլիկ թռուցիկ ենք կպցրել․ որպեսզի ինչպես համալսարանի ղեկավարությունն է ուսանողներին կոչ արել՝ քաղաքացիական բարոյականություն դրևսորեն և 18․30-ին լինեն Ազատության հրապարակում»։
Երևանի պետական համալսարանում մի խումբ ուսանողներ դասադուլ են հայտարարել։ «Մի-ա-ցեք» կոչով նրանք դիմում են համալսարանի մյուս ուսանողներին:
Նշենք, որ երեկ Երևանի ավագանու «Ելք» խմբակցության անդամ Արայիկ Հարությունյանը հանդես էր եկել մասշտաբային դասադուլների կոչով, իսկ «Մերժիր Սերժին» նախաձեռնության անդամները ավելի վաղ հանդիպել էին ուսանողների հետ՝ հորդորելով միանալ պայքարին:
Լիլիթ Շաբոյան
