16.12.2025 | 13:33
Արման Ծառուկյանի մրցակիցը փոխվել է
Աղքատ թուրքերը հավաքում են վաճառողների դեն նետած բանջարեղենն ու մրգերը
Քաղաքականություն
27.12.2021 | 23:33
Թուրքիայի բնակիչները փորձում են ծայրը ծայրին հասցնել աճող գնաճի ֆոնին, որոշ աղքատ բնակիչներ էլ մրգեր ու բանջարեղեն են հավաքում, որոնք վաճառողները դեն են նետում շուկաներում։ Այս մասին գրում է Duvar-ը՝ վկայակոչելով ANKA News-ը։
Լրատվամիջոցն այցելել է Ստամբուլի Բաղչըլար թաղամաս ու փաստագրել, որ մարդիկ ի վիճակի չեն միրգ ու բանջարեղեն գնել շուկաներից, որտեղ խանութներից ավելի էժան է։
Մի կին հարցրել է վաճառողին՝ արդյո՞ք կարող է հավաքել դեն նետված լոլիկները՝ ցույց տալով դրամապանակը՝ ապացուցելու, որ գումար չունի։
«Ես քեզանից գումար չեն ուզում»,- ասել է վաճառողը և կնոջն օգնել՝ ընտրել ուտելու համար պիտանի լոլիկը։
«Ոչ ոք գումար չունի։ Թող Աստված օգնի նրանց, որոնք վատ վիճակում են»,- ասել է կինը, որը ցանկացել է անանուն մնալ։
«Ես ունեի 100 լիրա, բայց չկարողացա գնել ամենը, ինչն անհրաժեշտ է։ Եթե ես գնեմ մրգեր, չեմ կարող գնել բանջարեղեն։ Եթե գնեմ բանջարեղեն, չեմ կարող գնել մրգեր։ Ի՞նչ անենք երեք կամ չորս երեխաների դեպքում»,- ասել է կինը՝շնորհակալություն հայտնելով վաճառողին։
Լրատվամիջոցի թղթակիցը նման վիճակում գտնվող մի քանի գնորդի է հանդիպել։
Հավելենք, որ լիրայի արժեզրկումերի հետևանքով Թուրքիայում տնտեսական ճգնաժամ է, որը հանգեցրել է աննախադեպ գնաճի։ Պարենային առաջին անհրաժեշտության ապրանքները նույնիսկ խանութներում սահմանափակ են վաճառվում։
Էմմա Չոբանյան
