06.06.2026 | 13:05
Հայտնի է Հայաստանի հավաքականի հայտացուցակը Ղազախստանի դեմ խաղում․ ԼՈՒՍԱՆԿԱՐ
Իրանը 15 օրով փակում է ՀՀ-ի և հարևան երկրների հետ ցամաքային սահմանը
Քաղաքականություն
25.12.2021 | 22:40
Կորոնավիրուսի «օմիկրոն» շտամի տարածման սպառնալիքի պատճառով Իրանի իշխանությունները 15 օրով փակում են հարևան երկրների հետ ցամաքային սահմանը։ ТАСС-ի փոխանցմամբ՝ այս մասին հայտարարել է Իրանի մաքսային ծառայության պաշտոնական ներկայացուցիչ Սեյեդ Ռուհոլլա Լատիֆին։
Պաշտոնյան հստակեցրել է, որ խոսքը Թուրքիայի, Իրաքի, Աֆղանստանի, Ադրբեջանի, Պակիստանի և Հայաստանի մասին է:
«Կորոնավիրուսի և ներքին գործերի նախարարության տարածման դեմ պայքարի ազգային շտաբի կարգադրությանը համապատասխան՝ հարևան երկրների հետ ցամաքային սահմանը ուղևորների համար այսօրվանից փակ կլինի 15 օրով», – նրա խոսքը մեջբերել է ILNA գործակալությունը:
Հիշեցնենք, որ Իրանում կորոնավիրուսի «օմիկրոն» շտամով վարակման առաջին դեպքը գրանցվել է դեկտեմբերի 19-ին։
