19.05.2026 | 14:19
Առավոտ ասում են՝ սիրում ենք բոլորիդ, կեսօրին՝ սատկացնելու ու կզցնելու ենք բոլորիդ․ Էդգար Ղազարյան. ՏԵՍԱՆՅՈՒԹ
Թուրքիայի ընդդիմադիր կուսակցության ղեկավարն Էրդողանին «Կասպեր ուրվական» է անվանել՝ ԿԲ-ի հետ կապված նրա հայտարարությունների պատճառով
Քաղաքականություն
22.12.2021 | 23:31
Թուրքիայի աջ ընդդիմադիր կուսակցության առաջնորդ Մերալ Աքշեները նախագահ Ռեջեփ Թայիփ Էրդողանին անվանել է «Ընկերական Կասպեր ուրվական»՝ Կենտրոնական բանկի պահուստների նվազման համար պատասխանատվություն չկրելու մասին նրա հայտարարության պատճառով, գրում է Duvar-ը։
Էրդողանը դեկտեմբերի 20-ին ասել էր, որ Կենտրոնական բանկի պահուստներն իր վարչապետության տարիներին հասել են 135 մլրդ դոլարի։ Այնուհետ նա հերքել էր, որ պատասխանատվություն է կրում դրանց նվազման համար։
«Նվազում է եղել, ես ներկա չեմ եղել։ Ես նախագահ էի։ Պահուստները կրկին 100 մլրդ դոլարից ավելին կլինեն, դրանք կավելանան»,- ասել էր Էրդողանը։
Աքշեներն էլ, արձագանքելով Էրդողանի հայտարարություններին, ասել է, որ չի կարողանում հավատալ նախագահի ասածներին։
«Նա ասաց, որ ներկա չէր։ Ես չեմ կարող հավատալ։ Միգուցե նա Casper the Friendly Ghost է՝ ընկերական Կասպեր ուրվականը, որ ներկա չի եղել»,- ասել է Աքշեները իր ղեկավարած կուսակցության խորհրդարանական խմբակցության անդամների հետ հանդիպմանը։
«Պարո՛ն Էրդողան, ակնհայտ է, որ Դուք նաև այստեղ չեք։ Թուրքիան ծանր արժութային ճգնաժամի մեջ է։ Դրա հետևում է ճգնաժամը արտադրական և բանկային ոլորտներում»,- ասել է ընդդիմադիր գործիչը։
Էմմա Չոբանյան
